ضلعی انتظامیہ نے جائے حادثہ کا معائنہ کیا

شیخوپورہ (نمائندہ باغی ٹی وی )ڈپٹی کمشنر شیخوپورہ محمد اصغر جوئیہ اور ڈسٹرکٹ پولیس آفیسر غلام مبشرمیکن خانقاہ ڈوگراں پہنچے اور 3 روز قبل گاڑی نہر میں گرنے کے باعث پیش آنے والے حادثے کی جگہ کا دورہ کیا۔ ڈپٹی کمشنر اور ڈسٹرکٹ پولیس آفیسر نے حادثے کی جگہ پر جاری پل کی مرمت کے کام کا معائنہ کیا اور کہا کہ حادثے کے باعث متاثر ہونے والے پل کی مرمت کا کام تیزی سے جاری ہے ، جسے 2 روز میں مکمل کر لیا جائے گا۔ ڈپٹی کمشنر نے کہا کہ متعلقہ انتظامی افسران کو اپنی موجودگی میں پل کی مرمت کا کام 2 روز میں مکمل کروانے کی ہدایات جاری کر دی ہیں

ڈپٹی کمشنر اور ڈسٹرکٹ پولیس آفیسر گاڑی نہر میں گرنے کے باعث ایک ہی خاندان کے جاں بحق 11 افراد کے گھر بھی گئے اور جاں بحق افراد کے لواحقین سے ملاقات کی اور جاں بحق افراد کیلئے فاتحہ خوانی کی۔ڈپٹی کمشنر اور ڈسٹرکٹ پولیس آفیسر نے جاں بحق افراد کے اہل خانہ سے گفتگو کرتے ہویے کہا کہ ہم وزیر اعلی پنجاب سردار عثمان بزدار کا تعزیتی پیغام لے کر آئے ہیں۔حکومت پنجاب اور ضلعی انتظامیہ ورثاء کے غم میں برابر کے شریک ہیں۔