ملک کی تقدیربدلنے کیلئے پڑھے لکھے عام آدمی کومیدان عمل میں آناہوگا،ثروت اعجاز قادری

کراچی:ملک کی تقدیربدلنے کیلئے پڑھے لکھے عام آدمی کومیدان عمل میں آناہوگا،اطلاعات کے مطابق سربراہ پاکستان سنی تحریک محمد ثروت اعجاز قادری نے کہا ہے کہ انصاف کی بالادستی کو قائم کرکے ہی امن دشمن قوتوں کو شکست دی جاسکتی ہے، کرپشن اقرباء پروری نے غریبوں کے حقوق کا استحصال کیا ہے، عوام چہرے نہیں نظام کی تبدیلی چاہتے ہیں نظام مصطفی کا نفاذملک کو مسائل کے بھنور سے نکال کر عوام کو تمام سہولیات مہیا کرئے گا،

ان کا کہنا تھا کہ ملک تاریخ کی بلند ترین مہنگائی ور غربت سے گذر رہا ہے،رمضان پیکیج کے نام پر عوام کو لولی پاپ نی دیا جائے، خوردنوش کی قیمتوں میں کوئی کمی نہیں کی گئی،سیاستدانوں کی کرپشن،لوٹ مار اور اقرباپروری نے جمہوریت کا تشخص بری طرح مجروح کیا ہے، 74 سال میں پاکستان نے کرپشن کے علاوہ کسی چیز میں ترقی نہیں کی،مہنگائی نے عوام کی زندگی اجیرن بنادی ہے،عوام غربت مہنگائی اور بے روزگاری کے ہاتھوں تنگ آ کر خود کشیاں کر رہے ہیں،

ان کا کہنا تھا کہ نئے نئے ٹیکس لگاکرحکمران عوام کودونوں ہاتھوں سے لوٹ کراپنی تجوریاں بھرنے میں مصروف ہیں اور کوئی ان سے پوچھنے والا نہیں،سیاست اور جمہوریت کو جاگیرداروں، وڈیروں اور سرمایہ داروں نے یرغمال بنارکھاہے،کارکنان اپنی صفوں میں یکسوئی پیداکریں سیاست کوکاروباربنانے والوں کاراستہ روکناہوگا،ملک کی تقدیربدلنے کیلئے پڑھے لکھے عام آدمی کومیدان عمل میں آناہوگا،ان خیالات کااظہارانہوں مرکز اہلسنت سے جاری ایک بیان میں کیا،

ثروت اعجاز قادری کاکہناتھاکہ قرآن و سنت آئین کاسپریم لاء ہے،حکومت اورعدلیہ قرآن وسنت کے مطابق فیصلے کریں تو ملک کودرپیش تمام مصائب سے نجات مل جائیگی، لادینی قوتوں کا مقابلہ قرآن وسنت اور عشق نبی سے سرشار ہوکر ہی کیا جاسکتا ہے،کلمہ طیبہ کی بنیادپرحاصل کی گئی مملکت میں سیکولرازم کو پنجے مضبوط کرنے نہیں دینگے، ہمارے اکابرین نے اس لیے اپنی جانیں قربان نہیں کی تھیں کہ یہاں انگریز کا نظام رائج کردیا جائے، انہوں نے کہا کہ پاکستان کی سلامتی کیلئے خون کا آخری قطرہ تک بہادینگے،قانون کی بالادستی کو ہر حال میں یقینی بناکر کرپشن کا دروازہ بن کرنا ہوگا۔#