دی ایجوکیٹرز فیصل آباد کا فیملی فیسٹیول 2025
تحریر:شاہد نسیم چوہدری
دی ایجوکیٹرز فیصل آباد ریجن کی جانب سے 25 جنوری 2025 کو شاندار فیملی فیسٹیول کا انعقاد کیا جا رہا ہے۔ یہ فیسٹیول بچوں، والدین، اور دیگر فیملی ممبرز کے لیے ایک یادگار دن ہوگا۔ اس تقریب کی قیادت فیصل آباد ریجن کے ایڈمنسٹریٹر عدنان احمد خان شیروانی کر رہے ہیں، جنہوں نے اپنے معاونین بشارت، فراز، اور مس ماہم کے ساتھ مل کر بہترین انتظامات کیے ہیں۔
فیسٹیول میں رنگا رنگ سرگرمیاں شامل ہیں جن میں بچوں اور بڑوں کے لیے تفریح اور تعلیم کا امتزاج ہوگا۔ جناح باغ میں ہونے والے اس ایونٹ میں فوڈ کورٹ، اسپانسرڈ اسٹالز، جادوئی میجک شو، اور دلچسپ کھیلوں کے مقابلے شامل ہوں گے۔ بچوں کے لیے پلے ایریا، جھولے، اور باؤنس سینڈ جمپنگ کے خصوصی انتظامات کیے گئے ہیں۔
تقریب میں تمام کیمپسز کے طلبا رنگارنگ ٹیبلو اور ڈرامے پیش کریں گے، جو پاکستان کی ثقافت، حب الوطنی، اور دیگر اہم موضوعات پر مبنی ہوں گے۔ فیسٹیول کے اختتام پر ایک میوزیکل کنسرٹ بھی ہوگا، جس میں مقامی گلوکار اور طلبا اپنی گائیکی کے جوہر دکھائیں گے۔
تعلیمی سرگرمیوں کے تحت جدید ٹیکنالوجی، ورکشاپس، اور عملی مظاہروں کا بھی اہتمام کیا گیا ہے، جو بچوں کی تخلیقی صلاحیتوں کو جلا بخشیں گے۔
عدنان احمد خان شیروانی نے اپنے پیغام میں تمام طلبا اور ان کے اہل خانہ کو اس تقریب میں بھرپور شرکت کی دعوت دیتے ہوئے کہا کہ یہ فیسٹیول نہ صرف تعلیمی معیار کو بلند کرے گا بلکہ طلبا میں معاشرتی ہم آہنگی، ٹیم ورک، اور قیادت کی صلاحیتوں کو بھی فروغ دے گا۔
آئیے، مل کر اس دن کو یادگار بنائیں اور تعلیم و تفریح کے اس حسین امتزاج سے لطف اندوز ہوں۔
