قومی کرکٹ ٹیم کے بولنگ کوچ اور سابق اسٹار فاسٹ بولر وقار یونس کے والدقضائے الہٰی سے وفات پا گئے ہیں۔ذرائع کے مطابق وقار یونس فیملی سے ملے بغیر ہی سڈنی سے لاہور کے لیے روانہ ہوگئے ہیں، ان کی کل شب تک لاہور واپسی متوقع ہے۔
سابق فاسٹ بولر کی اہلیہ نے بتایا ہے کہ والد کی حالت کی تشویشناک ہونے کی خبر ملتے ہی ہوٹل میں قرنطینہ میں موجود وقار یونس واپس پاکستان چلے گئے ہیں۔
انہوں نے مزید کہا کہ وقار یونس سے ہماری ملاقات نہیں ہوسکی، یہ ہمارے لیے ایک مشکل وقت ہے، جب سننے کو ملے کہ ایک بڑا شخص اکیلا روپڑا ہو اور وہ کچھ نہیں کرسکتا، یہ تکلیف دہ لمحات ہیں۔
والد کی وفات کی خبر وقار یونس کو آسٹریلیا میں موصول ہوئی، انہوں نے دورہ انگلینڈ کے بعد آسٹریلیا پہنچنے پر خود کو قرنطینہ کرلیا تھا۔اب وقار یونس قرنطینہ سے نکل کر فیملی سے ملے بغیر سڈنی سے لاہور کے لیے روانہ ہو گئے ہیں۔
Heartbroken..kids &I didn’t get to see @waqyounis99 as he left from quarantine back to Pakistan due to his father’s critical condition..these are really tough times..to hear a grown man weep alone and unable to do anything is very painful. #qurantinechallenges #covid
— Faryal Waqar (@DrFaryalWaqar) September 12, 2020
وقاریونس کی اہلیہ فریال وقات نے بتایا کہ وقار یونس ہوٹل قرنطینہ سے ہی پاکستان واپس چلے گئے ، ان سے ہماری ملاقات نہیں ہو سکی۔
ان کی وفات سے قبل وقار یونس کی اہلیہ ڈاکٹر فریال نے سماجی رابطے کی ویب سائٹ ٹویٹر پر لکھا کہ وقار یونس کے والد کے لیے دعا کریں، وہ طبیعت بگڑنے کے باعث اسپتال میں زیر علاج ہیں۔
اِنَّا للہ وَاِنَّآ اِلَیہِ رَاجِعُونَ وقار یونس کے والد کا انتقال ہو گیا ہے آپ سب سے گزارش ہے کہ انکی مغفرت کے لیئے دعا کریں۔ اللہ وقار ، فیصل ، علی اور اہل خانہ کو صبر جمیل عطا فرمائے آمین۔
— Rashid Latif | 🇵🇰 (@iRashidLatif68) September 12, 2020
سابق وکٹ کیپر راشد لطیف نے وقار یونس کے والد کی وفات کی خبر پر دکھ کر اظہار کرتے ہوئے کہا کہ اللہ ان کی مغفرت فرمائے اور وقار، فیصل، علی اور اہلخانہ کو صبر جمیل عطا فرمائے۔
