باغی ٹی وی کے مطابق آئی ایم ایف کی منیجنگ ڈائریکٹر کرسٹیلینا جارجیوا نے وزیر اعظم عمران خان کوخط بھیجا ہے جس میں انہوں نے کہا کہ مشکل کی اس گھڑی میں افغانستان سے ادارے کے عملے کے انخلاء کے حوالے سے پاکستان کے کلیدی کردار کوخراجِ تحسین پیش کیا ہے۔
انہوں نے اپنے خط میں کہا ہے کہ پاکستان کے وزیرِ خارجہ، وزیرِ خزانہ، وزیرِ دفاع اور گورنر اسٹیٹ بینک کے کردار کو بھی سراہتے ہیں۔
خط میں مینیجنگ ڈائریکٹر آئی ایم ایف نے کہا ہے کہ مشکل گھڑی میں افغانستان سے آئی ایم ایف کے عملے اور ان کےفیملی ممبران کے بحفاظت انخلا پرمشکور ہوں، پاکستان کی جانب سے اعلیٰ سطح پر کی جانے والی کوششیں کلیدی اہمیت کی حامل ہیں، پاکستان اور آئی ایم ایف کے مابین شراکت داری پر مشکور ہیں اور اس تعاون کے تسلسل کے متمنی ہیں۔
