تین سے چار ہفتوں میں کامیاب ترین ویکسین دستیاب ہوگی، صدر ٹرمپ کا پھر دعویٰ

واشنگٹن :تین سے چار ہفتوں میں کامیاب ترین ویکسین دستیاب ہوگی، صدر ٹرمپ کا پھر دعویٰ،اطلاعات کے مطابق امریکی صدرڈونلڈ ٹرمپ نے ایک بارپھراعلان کرک سب کو حیران کردیا کہ تین سے چارہفتوں تک کرونا کی کامیاب ویکسین مارکیٹ میں دستیاب ہوگی
ے
غیر ملکی خبر رساں ادارے کی رپورٹ کے مطابق دنیا بھر میں کرونا وائرس نے اس قدر تباہی مچائی اب تک کروڑوں انسانوں کو بیمار جبکہ لاکھوں کو ہلاک کردیا ہے۔

سوائے روس کے کئی ماہ گزرنے کے باوجود دنیا کے بڑے بڑے سائنسداں و ممالک بھی کرونا ویکسین بنانے میں کامیاب نہیں ہوئے تاہم ڈونلڈ ٹرمپ نے دعویٰ کیا ہے کہ ایک ماہ میں ویکسین دستیاب ہوجائے گی۔

کرونا ویکسین کی دستیابی سے متعلق امریکی صدر نے ریاست پنسلوانیا میں اپنے حامیوں سے خطاب کرتے ہوئے کیا، ان کا کہنا تھا کہ اگلے تین سے چار ہفتوں میں کووڈ 19 کی دوا دستیاب ہوگی۔

اس سے قبل امریکی صدر ڈونلڈ ٹرمپ یہ الزام بھی عائد کر چکے ہیں کہ اسٹیبلشمنٹ یا کوئی اور کورونا کے خلاف ویکسین لانے نہیں دے رہا۔

خیال رہے کہ روس کی جانب سے دو روز قبل روس کے تمام شہروں اور دیہاتوں میں کرونا ویکسین کی پہلی کھیپ سپلائی کرنے کا دعویٰ کیا گیا تھا، لیکن بہت سے روسی سائنسدانوں نے اس ویکسین کو مضر صحت قرار دیتے ہوئے مخالفت بھی کی تھی۔