پاکستان تحریک انصاف کے رہنما حماد اظہر نے کہا ہے کہ آزاد خارجہ پالیسی نہ ہونے کی قیمت اب پھر قوم ادا کرے گی۔سماجی رابطے کی ویب سائٹ ٹوئٹر پر اپنے ایک پیغام میں حماد اظہر نے کہا کہ ایک ہی ہفتے میں 60 روپے فی لیٹر پیٹرول اور ڈیزل کی قیمت میں اضافہ ہو گیا ہے۔
ان کا کہنا تھا کہ بھارت روس سے سستا تیل خرید کر اپنے لوگوں کے لئے قیمتیں کم کر رہا ہے، پاکستان میں امپورٹڈ حکومت کی روس سے بات کرتے بھی ٹانگیں کانپتی ہیں۔
آزاد خارجہ پالیسی نہ ہونے کی قیمت اب پھر قوم ادا کرے گی۔ ایک ہی ہقتے میں 60 روپے فی لیٹر پٹرول اور ڈیزل کی قیمت میں اضافہ۔ بھارت روس سے سستا تیل خرید کر اپنے لوگوں کے لئے قیمتیں کم کر رہا ہے۔ پاکستان میں امپورٹڈ حکومت کی روس سے بات کرتے بھی ٹانگیں کامپتی ہیں۔
— Hammad Azhar (@Hammad_Azhar) June 2, 2022
ادھرپاکستان تحریک انصاف کے رہنما فیاض الحسن چوہان نے کہا ہے کہ عمران خان نے ناموس رسالت کی جنگ ساری دنیا کے سامنے لڑی۔
فیاض الحسن چوہان نے جے یو آئی ف کے نائب امیر مولانا عبد المجید ہزاروی کو کرارا جواب دیتے ہوئے کہا کہ میں خاندانی اور مورثی سیاست کے حق میں نہیں ہوں، میں عمران خان کیساتھ کھڑا ہوں اور ہمیشہ کھڑا رہوں گا۔
ان کا کہنا تھا کہ جے یو آئی کا وطیرہ رہا ہے کے وہ اصول کے نام پر وصول کی ساست کرتی ہے۔انہوں نے کہا کہ عمران خان سچے عاشق رسول اور محب وطن پاکستانی ہیں اور عمران خان کی قیادت میں پاکستان کو آگے لے کر جائیں گے۔
