کورونا کے بڑھتے کیسز پرآج این سی او سی اہم اجلاس ہونے جارہا ہے جس میں فیصلے بھی ہوں گے بڑے اہم

اسلام آباد: کورونا کے بڑھتے کیسز پرآج این سی او سی اہم اجلاس ہونے جارہا ہے جس میں فیصلے بھی ہوں گے بڑے اہم،اطلاعات کے مطابق ملک میں کورونا وائرس کے بڑھتے کیسز کے باعث این سی او سی کے آج ہونے والے اجلاس میں اہم فیصلے متوقع ہیں۔

ذرائع کے مطابق اجلاس میں کورونا کے پھیلاؤ کو روکنے کے لیے اسمارٹ لاک ڈاؤن میں اضافے کے فیصلے سمیت امتحانات کے لیے کھولے گئے اسکولوں کو بھی بند کرنے کی تجویز پر غور کیا جائے گا کیوں کہ جن اسکولوں میں امتحانات جاری ہیں وہاں اکثریت میں ایس او پیز کی خلاف ورزیاں رپورٹ ہو رہی ہیں۔

اجلاس میں وفاق اور صوبوں میں کورونا کے پھیلاؤ کے علاقوں کو ریڈ زون میں رکھنے کی تجویز پیش کی جائے گی اور متعلقہ علاقوں میں انتہائی سخت اسمارٹ لاک ڈاؤن نافذ کئے جانے کا امکان ہے،اس کے علاوہ اسلام آباد میں دفعہ 188 لگانے کی تجویز بھی پیش کی جائے گی جس کے تحت کورونا ایس او پیز پر عمل نہ کرنے والے دکاندار کو گرفتار کیا جا سکے گا۔