بلاول سن لیں ! اگلا میئر کراچی بھی ایم کیو ایم سے ہوگا، وسیم اختر

کراچی: بلاول سن لیں ! اگلا میئر کراچی بھی ایم کیو ایم سے ہوگا،اطلاعات کےمطابق کراچی کے میئروسیم اخترنے بڑے دعوے کے ساتھ اعلان کرتے ہوئے کہا ہے کہ پیپلزپارٹی کو یہ معلوم ہوجانا چاہیے کہ اگلا میرکراچی بھی ایم کیوایم سے ہوگا

تفصیلات کے مطابق میئر وسیم اختر نے نارتھ ناظم آباد میں پارک کا افتتاح کیا، اس موقع پر تقریب میں چیئرمین ڈی ایم سی سینٹرل ریحان ہاشمی بھی موجود تھے۔تقریب سے خطاب کرتے ہوئے وسیم اختر نے کہا کہ کراچی کا آئندہ میئر بھی ایم کیوایم پاکستان سےہوگا جب بھی الیکشن ہوگاکراچی کےعوام پتنگ کوووٹ ڈالیں گے۔

میئر وسیم اختر نے نارتھ ناظم آباد میں پارک کا افتتاح کے موقع پر کہا کہ استعفیٰ دیتا توجوکام ہوئےیہ بھی نہ ہوتے،لگتا ہے شاید وزیراعظم اب سنجیدہ ہوکراس شہر کو دیکھیں گے۔ان کا کہنا تھا کہ کراچی میں ہرجماعت نےقبضہ کرنےکی کوشش کی، حافظ نعیم الرحمان سیاسی بیانات نہ دیں اعدادوشماربھی دیکھیں۔

میئر کراچی نے شہر کی ابترصورتحال کا ذمہ دار سندھ حکومت کو قرار دیتے ہوئے کہا کہ صوبائی حکومت کی نااہلی کے باعث صورتحال خراب ہوئی، دوسرے صوبے ترقی کر رہے ہیں کراچی وہیں کا وہیں ہے۔