اسلام آباد:دنیا بھر میں کرونا سے صحت یاب افراد کی تعداد پچاس لاکھ،مرنے والوں کی تعداد 4لاکھ 80ہزار سےزائد،اطلاعات کے مطابق "کورونا” دنیا بھر میں کرونا سے صحت مند ہونے والوں کی تعداد پچاس لاکھ 78 ہزارسے زائد ہوچکی ہے،
باغی ٹی وی کے مطابق دوسری طرف کرونا وائرس سے اموات کی تعداد 4لاکھ 80ہزار 562 ہوگئی ہے ،جبکہ متاثرہ افراد کی تعداد 93 لاکھ 53 ہزار سے زائد ہو گئی ہے۔
ٕ
کورونا وائرس سے صحت یاب ہونے والوں کی تعداد 50 لاکھ 78 ہزار سے زائد ہوگئی ہے۔ دنیا بھرمیں کورونا سے متاثرہ 57 ہزار 911 افراد کی حالت تشویشناک ہے۔
امریکہ میں کورونا سے جاں بحق ہونے والوں کی مجموعی تعداد ایک لاکھ 23 ہزار سے بڑھ گئی ہے۔ امریکہ میں 24 لاکھ 24 ہزار سے زائد افراد میں کورونا وائرس کی تشخیص ہوئی ہے۔
برازیل امریکہ کے بعد 11 لاکھ سے زائد کورونا متاثرین کا حامل دوسرا ملک بن گیا ہے جہاں کورونا سے اموات کی تعداد 52 ہزار سات سو سے زائد ہو گئی ہے جبکہ متاثرین کی تعداد 11 لاکھ 51 ہزار سے تجاوز کر گئی ہے۔
روس میں کورونا سے اموات کی تعداد 8 ہزار 3 سو سے تجاوز کر گئی۔ روس میں کورونا سے متاثرہ افراد کی تعداد 5 لاکھ 99 ہزار سے بڑھ گئی۔
بھارت میں کورونا سے ہلاک ہونے والے افراد کی تعداد 14 ہزار چار سو سے بڑھ گئی ہے جبکہ متاثرہ افراد کی تعداد 4 لاکھ 56 ہزار سے زیادہ ہو گئی۔
برطانیہ میں کورونا سے اموات کی تعداد 42 ہزار 9 سو سے بڑھ گئی جبکہ 3 لاکھ 6 ہزار سے زائد افراد کورونا وائرس سے متاثر ہیں۔
برطانیہ میں کورونا ٹیسٹ اینڈ ٹریس سسٹم لاگو کردیا گیا ہے اور کورونا مریضوں سے ملاقات کرنے والوں کو زیر قرنطینہ کیا جا رہا ہے۔
اٹلی میں کورونا سے ہلاکتوں کی تعداد 34 ہزار 6 سو سے تجاوز کر گئی ہے جبکہ دو لاکھ 38 ہزار سے زائد افراد متاثر ہوچکے ہیں۔
اسپین میں کورونا سے ہلاکتوں کی تعداد 28 ہزار تین سو سے تجاوز کرگئی ہے جبکہ مجموعی کیسز کی تعداد دو لاکھ 93 ہزارسے تجاوز کرگئی ہے۔
پیرو میں میں کورونا سے ہلاکتوں کی تعداد 8 ہزار چار سو سے تجاوز کر گئی جبکہ مجموعی مریضوں کی تعداد دو لاکھ 60 ہزار سے تجاوز کرگئی ہے۔
