برازیلیا: مسافر بس پل سے گر گئی، 19 ہلاک اور 24 زخمی،اطلاعات کے مطابق دنیا میں مختلف قسم کے حادثات کی خبروں نے پریشانی کی کیفیت پیدا کردی ہے ،ادھر آج برازيل ميں تیز رفتار مسافر بس پُل کی حفاظتی گرل توڑتے ہوئے نیچے پٹری پر گر گئی جس کے نتیجے میں 19 افراد ہلاک اور 24 زخمی ہوگئے۔
برازیل کی سرکاری نیوزایجنسی کے مطابق برازيل کی جنوب مشرقی رياست ميناس گيراس کے گاؤں جوآؤ مون ليوادے ميں مسافر بس میں لگ بھگ 50 افراد سوار تھے، گاؤں کو شہر سے ملانے والے ایک پُل پر مسافر بس ڈرائیور کے قابو سے باہر ہوگئی اور حفاظتی گرل کو توڑتی ہوئی نیچے گر گئی۔
مسافر بس پل کے نیچے ریلوے ٹریک پر گری، امدادی کارکنوں نے 45 سے زائد مسافروں کو شدید زخمی حالت میں اسپتال منتقل کیا جہاں پہلے 16 اورپھرتازہ اطلاعات میں ان ہلاکتوں کی تعداد 19 تک بڑھنے کی تصدیق ہوگئی ہے
واضح رہے کہ برازیل میں سڑکوں کی بری حالت اور ٹرانسپورٹیشن کا محفوظ نظام نہ ہونے کے باعث 2015 اور 2019 کے درميان ہر سال اوسطاً 30 ہزار افراد ٹريفک حادثات ميں ہلاک ہوئے تھے۔
