اتائی موت بانٹنے لگے،اتائی کے اناڑی پن کا شکار شخص جاں بحق

ٹھٹھہ صادق آباد (نمائندہ باغی ٹی وی) کے نواحی گاوں چکنمبر 132 دس آر کا رہائشی ذوالفقار علی گجر طبیعت ناساز ہونے پر اپنے گاوں کے اتائی کے پاس گیا جس نے دوران علاج مریض کو انجکیشن بھی لگایا ۔انجیکشن درست مقام پر نہ لگنے سے مریض ذوالفقار گجر کی ٹیکے والی جگہ پر سوزش اور درد ہونے لگا۔جس پر اتائی نے انفیکشن زدہ جگہ پر چیرا دے دیا جبکہ مریض شخص پہلے ہی شوگر کا مریض تھا۔چیرا دی ہوئی جگہ پر ہونے والا انفیکشن ناسور بن گیا اور شوگر کی وجہ سے گینگرین کی صورت اختیار کرگیا۔مریض ذوالفقار گجر بہاول وکٹوریہ ہسپتال میں زیر علاج تھا جبکہ ڈاکٹرز نے ذوالفقار کی ٹانگ کاٹنے کا مشورہ دیا تھا اور ٹانگ کاٹنے کی تیاریاں جاری تھیں جبکہ متاثرہ شخص ذوالفقار آج صبح وکٹوریہ ہسپتال میں دم توڑ گیا ہے۔