وزیراعظم نے پنجاب کے حوالے سےاہم فیصلہ کردیا:بڑا اہم نام سامنے آگیا

تفصیلات کے مطابق وزیراعظم عمران خان نے سبطین خان کو پنجاب اسمبلی میں تحریک انصاف کا پارلیمانی لیڈر مقرر کر دیا ہے۔اطلاعات کے مطابق سبطین خان پارلیمانی لیڈر کے طور پر اسمبلی میں فرائض سرانجام دیں گے۔

دوسری جانب مسرت جمشید چیمہ نے کہا ہے کہ سبطین خان کو پارلیمانی لیڈر مقرر ہونے پر مبارکباد پیش کرتی ہوں۔

سیکرٹری اطلاعات پی ٹی آئی پنجاب مسرت جمشید چیمہ نے کہا ہے کہ پارٹی چیئرمین عمران خان کی منظوری سے سبطین خان کوپنجاب اسمبلی میں پارلیمانی لیڈر مقرر کر دیا گیا۔

انہوں نے کہا کہ پنجاب کے صدر شفقت محمود نے فیصل آباد، گجرات ، ساہیوال اضلاع کے عہدیداروں کو بھی تقرر کر دیا، چوہدری رضا نصراللہ گھمن ضلع فیصل آباد کے صدر،چوہدری تیمور علی جنرل سیکرٹری ہونگے۔

مسرت جمشید چیمہ نے کہا ہے کہ رانا آفتاب احمد ،عادل پرویز،ملک عمر فاروق سینئر نائب صدور،ثنا اللہ گورسی ایڈیشنل جنرل سیکرٹری مقرر ہو گئے ہیں، رانا آفتاب احمد صدر ضلع ساہیوال ،ملک فیصل جلال ڈھکو جنرل سیکرٹری،راؤ محمد اسلم خان سینئر نائب صد مقررکر دئیے گئے۔

سیکرٹری اطلاعات پی ٹی آئی پنجاب نے کہا ہے کہ سید رضوان مظفر ایڈیشنل جنرل سیکرٹری،حاجی عبد الغفار، محمد وقاص ڈپٹی جنرل سیکرٹریز مقرر کر دئیے گئے ہیں۔

مسرت جمشید چیمہ نے کہا ہے کہ رانا انیس الرحمان سیکرٹری فنانس ،حافظ قیصر محمود ضلع ساہیوال کے سیکرٹری اطلاعات کے فرائض سر انجام دینگے، چوہدری سلیم سرور جوڑا کو ضلع گجرات کا صدر ،مبین اختر حیات کو جنرل سیکرٹری مقرر کر دیا گیا ہے۔

انہوں نے کہا کہ سبطین خان کو پارلیمانی لیڈر اور اضلاع کے عہدیداروں کو مبارکباد پیش کرتے ہیں، امید ہے تمام عہدیدار تحریک انصاف کی مضبوطی کے لئے کوئی کسر اٹھا نہیں رکھیں گے۔