مری ، بلوچستان اوردیگرعلاقوں میں امدادی سرگرمیوں کی وزیراعظم براہ راست نگرانی کرنےلگے

اسلام آباد : مری ، بلوچستان اوردیگرعلاقوں میں امدادی سرگرمیوں کی وزیراعظم براہ راست نگرانی کرنےلگے ،اطلاعات کے مطابق وزیر اعظم عمران خان کی ہدایت پر بلوچستان میں بارشوں سے متاثرہ افراد کے لیے امدادی سامان روانہ کردیا گیا، سامان میں نکاسی آب کے لیے پمپ، ٹینٹ،کمبل ،راشن بیگ شامل ہیں۔

تفصیلات کے مطابق ترجمان این ڈی ایم اے کی جانب سے بیان میں کہا گیا ہے کہ چیئرمین این ڈی ایم اے نے گورنراور وزیراعلیٰ بلوچستان سے ٹیلیفونک رابطہ کیا ، جس میں بارش ،برفباری سے نقصانات اورامداد کی ضرورت پر بات چیت کی گئی۔

ترجمان نے بتایا کہ وزیر اعظم کی ہدایت پر سی 130طیارے پر امدادی سامان روانہ کردیا گیا ہے، امدادی سامان میں نکاسی آب کےلیےپمپ، ٹینٹ،کمبل ،راشن بیگ شامل ہیں۔

این ڈی ایم اےصوبائی حکام اورپی ڈی ایم اے سے رابطے میں ہے جبکہ پاک فوج ،ایف سی کےدستے امدادی سرگرمیوں میں مصروف ہیں۔

گذشتہ روز وزیر اعظم عمران خان نے وزیراعلیٰ بلوچستان سے بارشوں سے نقصانات کی رپورٹ طلب کرتے ہوئے نیشنل ڈیزاسٹرمینجمنٹ اتھارٹی کو متاثرین کو امداد پہنچانے کی ہدایت کی تھی اور کہا تھا کہ متاثرین کی ہرممکن مدد کی جائے۔

خیال رہے بلوچستان میں بارش اور برفباری سے مواصلاتی نظام درہم برہم ہوگیا ہے اور کئی اضلاع میں سیلابی صورتحال سے نظام زندگی مفلوج ہے۔

ادھراسلام آباد سے ملنےوالی اطلاعات میں بتایا گیا ہے کہ وزیراعظم اس وقت خود براہ راست مری ، بلوچستان اور ملک کے دیگرحصوں میں بارشوں ، سیلاب اور برفانی طوفان سے پیدا ہونے والی صور تحآل کودیکھ رہے ییں اور ہنگامی اقدامات کی ہدایات دے رہے ہیں