اربوں روپے مالیت سے بننے والے اسلام آباد ایئر پورٹ کی چھت نوازشریف کی یاد میں رونے لگی

کراچی: اربوں روپے مالیت سے بننے والے اسلام آباد ایئر پورٹ کی چھت نوازشریف کی یاد میں رونے لگی ،اطلاعات کے مطابق سابق وزیراعظم میاں نوازشریف کے دورحکومت میں اربوں روپے مالیت سے بننے والے اسلام آباد ایئر پورٹ کی چھت پھر ٹپکنے لگی ہے۔

ذرائع کے مطابق نیو اسلام آباد ایئر پورٹ کے ڈومیسٹک ارائیول لاؤنج میں ایک بار پھر چھت ٹپکنے لگی ہے، اور پانی لاؤنج میں جمع ہو گیا۔

ادھر ذرائع کا کہنا ہےکہ یہ پہلا موقع نہیں بلکہ تمام ترحفاظتی اقدامات کے باوجود ہرسال بارشوں کے موقع پرایسے ہی ٹپکتی ہے

سی اے اے ذرائع کا کہنا ہے کہ ایئر پورٹ پر ڈریمز کی لائن پھٹ گئی ہے، پائپ لائن پھٹ جانے کی وجہ سے پانی ٹرمینل بلڈنگ کی چھت سے دھار کی صورت میں لاؤنج میں گر رہا ہے۔

لاؤنج میں پانی آنے سے مسافروں کو پریشانی کا سامنا کرنا پڑ رہا ہے، ذرائع کا کہنا ہے کہ اس ایئر پورٹ پر سسٹم کی خرابی معمول بن گئی ہے، اس سلسلے میں اے آر وائی نیوز کو موصول ایک ویڈیو میں دیکھا جا سکتا ہے کہ لاؤنج میں آنے والے پانی کو وائپرز کے ذریعے صاف کرنے کی کوشش کی جا رہی ہے۔

ذرائع کے مطابق سول ایوی ایشن اتھارٹی نے اسلام آباد ایئر پورٹ پر منیجر سمیت اہم عہدوں پر جونئیر افسران کو تعینات کر رکھا ہے، جو ایئر پورٹ کا سسٹم آپریٹ کرنے میں ناکام ہیں۔

واضح رہے کہ اس سے قبل بھی کئی مرتبہ اسلام آباد ایئرپورٹ کی چھت ٹپکنے کے واقعات سامنے آ چکے ہیں، چھت کی ٹائلیں بھی ٹوٹ کر نیچے گری تھیں۔

یاد رہے کہ اسلام آباد کا نیوایئرپورٹ نوازشریف کے دورحکومت میں بنایا گیا تھا جس پراربوں روپے لاگت آئی ،

دوسری طرف ماہرین تعمیرات کا کہنا ہے کہ اس منصوبے پراربوں روپے لگانے کے باوجود بے کارثابت ہوا ہے ، ماہرین کا یہ بھی کہنا ہےکہ ہرسال حفاظتی اقدامات کے باوجود پانی کا ٹپکنے سے ناں رکنا انتہائی خطرناک ہے ،