اردو کے بعض شعروں کادوسرا جملہ اتنا مشہورہوا کہ ضرب المثل بن گیا، پہلے کوبھول ہی گئے

لاہور:اردو کے بعض شعروں کادوسرا جملہ اتنا مشہورہوا کہ ضرب المثل بن گیا، پہلے کوبھول ہی گئے،اردوزبان کی تاثیرکے کہا کہنے لیکن اس سے بڑھ کراردو شاعری کا اپنا حسن اوراس کی جاذبیت ہے کہ جو بھی سنتا ہے وہ دیوانہ ہوجاتا ہے ،

یہی وجہ ہے کہ سالہا سال بیت گئے کہ اردو شاعری کی تاریخ میں بہت سے ایسے اشعار ہیں کہ جن کا دوسرا مصرعہ اتنا مشہور ہوا کہ ان کا پہلا مصرعہ جاننے کی کبھی ضرورت محسوس ہی نہیں ہوئی ۔

تو کیا یہ مصرعے ایسے ہی تخلیق ہوئے یا ان کا کوئی دوسرا مصرعہ بھی ہے؟،

*جی جناب ان کا پہلا مصرعہ بھی ہے ۔ ایسے اشعار کا ایک مصرعہ تو مشہور ہو جاتاہے ۔ مگر پہلا وقت کی دھول میں کہیں کھو جاتا ہے ۔ تو جناب لیجیے ۔میں نے یہاں ان اشعار کو لکھ دیا جن کا صرف ایک مصرعہ مشہور ہوا ۔

پڑھیے اور سر دھنیے ۔۔۔۔۔۔!!*
ـــــــــــــــــــــــــــــــــــــــــــ
ہم طالب شہرت ہیں ہمیں ننگ سے کیا کام
بدنام اگر ہوں گے تو کیا نام نہ ہوگا
ـــــــــــــــــــــــــــــــــــــــــــ
خط ان کا بہت خوب’عبارت بہت اچھی
اللہ کر ےزورِقلم اور زیادہ
ـــــــــــــــــــــــــــــــــــــــــــ
نزاکت بن نہیں سکتی حسینوں کے بنانے سے
خدا جب حسن دیتا ہے نزاکت آ ہی جاتی ہے
ـــــــــــــــــــــــــــــــــــــــــــ
یہ راز تو کوئی راز نہیں ،سب اہلِ گلستان جانتے ہیں
ہر شاخ پہ اُلو بیٹھا ہے انجامِ گلستاں کیا ہوگا
ـــــــــــــــــــــــــــــــــــــــــــ
داورِ محشر میرے نامہ اعمال نہ کھول
اس میں کچھ پردہ نشینوں کے بھی نام آتے ہیں
ـــــــــــــــــــــــــــــــــــــــــــ
میں کس کے ہاتھ پر اپنا لہو تلاش کروں
تمام شہر نے پہنے ہوئے ہیں دستانے
ـــــــــــــــــــــــــــــــــــــــــــ
ہم کو معلوم ہے جنت کی حقیقت لیکن
دل کےخوش رکھنے کو غالب یہ خیال اچھا ہے
ـــــــــــــــــــــــــــــــــــــــــــ
قیس جنگل میں اکیلا ہے مجھے جانے دو
خوب گزرے گی جب مل بیٹھیں گے دیوانے دو
ـــــــــــــــــــــــــــــــــــــــــــ
غم و غصہ و رنج و اندوں و حرما ں
ہمارے بھی ہیں مہرباں کیسے کیسے
ـــــــــــــــــــــــــــــــــــــــــــ
مریضِ عشق پہ رحمت خدا کی
مرض بڑھتا گیا جوں جوں دوا کی
ـــــــــــــــــــــــــــــــــــــــــــ
آخرگِل اپنی صرفِ میکدہ ہوئی
پہنچی وہیں پہ خاک جہاں کا خمیر تھا
ـــــــــــــــــــــــــــــــــــــــــــ
بہت جی خوش ہواحالی سے مل کر
ابھی کچھ لوگ باقی ہیں اِس جہاں میں
ـــــــــــــــــــــــــــــــــــــــــــ
نہ جانا کہ دنیا سے جاتا ہے کوئی
بڑی دیر کی مہرباں آتے آتے
ـــــــــــــــــــــــــــــــــــــــــــ
نہ گورِسکندر نہ ہی قبرِ داراں
مٹے نامیوں کے نشاں کیسے کیسے
ـــــــــــــــــــــــــــــــــــــــــــ
غیروں سے کہا تم نے، غیروں سے سنا تم نے
کچھ ہم سے کہا ہوتا کچھ ہم سے سنا ہوتا
ـــــــــــــــــــــــــــــــــــــــــــ
جذبِ شوق سلامت ہے تو انشاءاللہ
کچھے دھاگے سے چلیں آئیں گے سرکار بندھے
ـــــــــــــــــــــــــــــــــــــــــــ
قریب ہے یارو روزِمحشر، چھپے گا کشتوں کا خون کیونکر
جو چپ رہے گی زبانِ خنجر، لہو پکارے گا آستین کا
ـــــــــــــــــــــــــــــــــــــــــــ
پھول تو دو دن بہارِجاں فزاں کھلا گئے
حسرت اُن غنچوں پہ ہے جو بن کھلے مرجھا گئے
ـــــــــــــــــــــــــــــــــــــــــــ
کی میرے قتل کے بعد اُس نے جفا سے توبہ
ہائے اُس زود پشیماں کا پشیماں ہونا
ـــــــــــــــــــــــــــــــــــــــــــ
خوب پردہ ہے چلمن سے لگے بیٹھ ہیں
صاف چھپتے بھی نہیں ، سامنے آتے بھی نہیں
ـــــــــــــــــــــــــــــــــــــــــــ
اس سادگی پہ کون نہ مرجائے اے خدا
لڑتے بھی ہیں اور ہاتھ میں تلوار بھی نہیں
ـــــــــــــــــــــــــــــــــــــــــــ
چل ساتھ کہ حسرت دلِ مرحوم سے نکلے
عاشق کا جنازہ ہے ذرا دھوم سے نکلے
ـــــــــــــــــــــــــــــــــــــــــــ
مکتب عشق کا دستور نرالا دیکھا
اس کو چھٹی نہ ملی جس نے سبق یاد کیا