نیویارک :سلامتی کونسل نے 26 دن بعد داسو ڈیم دہشتگرد حملے کی مذمت کردی ،اطلاعات کے مطابق اقوام متحدہ کی سلامتی کونسل نے داسو دہشتگرد حملے کی واقعہ کے 26 دن بعد مذمت کردی ہے
سلامتی کونسل نے واقعے پر متاثرہ خاندانوں اور حکومت پاکستان سے دلی ہمدردی کا اظہار کیا ہے جب کہ دہشتگردی میں 9 چینی اور 3 پاکستانیوں کی موت اور دیگر کے زخمی ہونے پراظہار افسوس کیا گیا۔
[wp-embedder-pack width=”100%” height=”400px” download=”all” download-text=”” attachment_id=”400481″ /]
سلامتی کونسل کا کہنا ہےکہ ہرقسم کی دہشتگردی کو عالمی امن کے لیے خطرہ سمجھتے ہیں، دہشتگردی کے مجرموں، سرپرستی اور مالی تعاون کرنے والوں کو انصاف کے کٹہرے میں لایا جائے، عالمی قانون، سلامتی کونسل کی قراردادوں کے مطابق مجازحکام پاکستان اور چین سے تعاون کریں۔
سلامتی کونسل کا کہنا تھا کہ دہشتگردی مجرمانہ فعل ہے جس کا کوئی جواز نہیں ہوسکتا، دہشتگردی خواہ کسی بھی جذبے یا مقصد کی خاطر ہو، قبول نہیں لہٰذا عالمی امن کے لیے خطرہ بننے والی کارروائیاں روکنے کے لیے تمام رکن ممالک کردار ادا کریں۔
Leave a reply
