گومل یونیورسٹی کے خراب معاملات کے وائس چانسلرذمہ دار ہیں :طلبا کا شکوہ

ڈیرہ اسماعیل خان:گومل یونیورسٹی کے معاملات بگاڑنے میں نااہل وائس چانسلر ڈاکٹرافتخار کاہاتھ ہے، گومل یونیورسٹی کے ماحول کے خراب ہونے کی تمام ذمہ داری وائس چانسلرپر عائد ہوتی ہے۔ وائس چانسلر گومل یونیورسٹی نے جب حالات بے قابوہوتے دیکھے تو یونیورسٹی کو تاحکم ثانی بندکرنے کے احکامات جاری کردیے۔ اس نے ذاتی لالچ اوراپنی کرسی بچانے کیلئے یونیورسٹی کی بندش کرالی مگرطلباء کے مستقبل کاکوئی خیال نہ کیا۔اس حوالے سے طلباء نے وائس چانسلر گومل یونیورسٹی ڈاکٹرافتخار کے دفترکے سامنے احتجاجی دھرنادے دیا ہے اورانہوں نے اعلان کیا ہے کہ احتجاجی دھرنا اس وقت تک جاری رہے گا جب تک مطالبات کاعملی شکل میں نوٹیفکیشن جاری نہ کیاجائے۔

عوامی سماجی اورتعلیمی حلقوں کاچانسلر گورنر خیبرپختونخواہ اورسابق وفاقی وزیرسردارعلی امین خان گنڈہ پور سے وائس چانسلر گومل یونیورسٹی کے خلاف کاروائی اورتحقیقات کراکرضلع بدرکرنے کامطالبہ۔ تفصیلات کے مطابق نااہل وائس چانسلر گومل یونیورسٹی ڈاکٹرافتخار کی تعیناتی کی وجہ سے حالیہ دنوں مادرعلمی تنزلی کا شکارہے۔گومل یونیورسٹی آئے روز مختلف بحرانوں کا شکار رہتی ہے۔مالی بدعنوانیوں،جنسی ہراسمنٹ اوریونیورسٹی ملازمین کوتنخوا ہوں کی عدم ادائیگیاں معمول بن چکی ہے جبکہ طلباء پر تشددکے واقعات روزکامعمول بن چکے ہیں جس کی وجہ سے گومل یونیورسٹی میدان جنگ بن گئی ہے۔

گومل یونیورسٹی کے بگاڑنے میں نااہل وائس چانسلر ڈاکٹرافتخار کا ہاتھ ہے اوریونیورسٹی کے معاملات خراب ہونے کی تمام ترذمہ داری اس کے سرپرہے۔یونیورسٹی کے حالات خراب ہوتے دیکھ کر وائس چانسلر ڈاکٹرافتخار نے تاحکم ثانی گومل یونیورسٹی بندکرنے کے احکامات جاری کیے ہوئے ہیں جس سے طلباء کامستقبل داؤپر لگ گیا ہے۔دوسری جانب طلباء تنظیموں کاکہناہے کہ مطالبات پورے نہ ہونے تک ہمارااحتجاج جاری رہے گا۔اس سلسلے میں ڈیرہ کے عوامی سماجی اورتعلیمی حلقوں کاچانسلر گورنر خیبرپختونخواہ اورسابق وفاقی وزیرسردارعلی امین خان گنڈہ پور سے وائس چانسلر گومل یونیورسٹی کے خلاف کاروائی اورتحقیقات کراکرضلع بدرکرنے کامطالبہ کیاہے۔ انہوں نے کہاکہ کرپٹ وائس چانسلر ڈاکٹرافتخار کی جگہ کسی اہل وی سی کوگومل یونیورسٹی میں تعینات کیاجائے تاکہ مادرعلمی مزیدتباہی سے بچ سکے اورطلباء کے مستقبل سے کھیلنے کا گھناؤنا سلسلہ بندہو۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.