کراچی : پورے پاکستان نے دیکھا کیسے شہبازشریف نے زرداری کو کراچی کی سڑکوں پرگھسیٹا’یہ ہے ان کی سیاست:اطلاعات کے مطابق پاکستان تحریک انصاف کے رہنما اور وفاقی وزیر اسد عمر نے کہا ہے کہ پورے پاکستان نے تاریخی مناظر دیکھے کہ شہبازشریف نے کیسے زرداری کو کراچی کی سڑکوں پرگھسیٹا۔
کراچی میں میڈیا سے گفتگو کرتے ہوئے انہوں نے کہا کہ شہباز شریف الیکشن کے بعد پہلی دفعہ کراچی آئے ہیں، بڑی خوشی ہوئی کہ شہباز شریف کے دل میں کراچی کے شہریوں کا درد جاگا مگر وہ کراچی کے شہریوں کی اشک شوئی کی بجائے سیاست کرکے چلے گئے۔
تحریک انصاف کے رہنما اور وفاقی وزیر اسد عمر نے کہا کہ اگر اپوزیشن کراچی کے لیے کام کرنے کو تیار ہے تو انہیں خوش آمدید کہتے ہیں۔اسد عمرکا کہا کہ ہم اس وقت سیاست نہیں کرنا چاہتے، کراچی بیانات نہیں زمین پر ایکشن دیکھنا چاہتا ہے۔
وفاقی وزیر نے کراچی میں بجلی تقسیم کرنے والے ادارے کے الیکٹرک کے ہیڈ آفس کا بھی دورہ کیا اور کہا کراچی کا بڑا مسئلہ بجلی کا بھی ہے۔
تحریک انصاف کے رہنما اور وفاقی وزیر اسد عمر نے کہا کہ وزیراعلیٰ سندھ مراد علی شاہ سے بھی بجلی کے معاملے پر بات ہوئی، اب سنجیدگی سے کے الیکٹرک کے بارے میں سوچنا ہوگا، سپریم کورٹ کے مطابق کے الیکٹرک کے لائسنس میں بھی تبدیلی کی جاسکتی ہے۔
