![](https://baaghitv.com/wp-content/uploads/2021/01/12312020NYE2021.jpg)
لاہور :نیا سال ابھی کچھ دور ہی تھا مگرمنچلے لاہوریوں نے اتنی فائرنگ کی کہ سخت سردی کی وجہ سے بند کمروں میں سونے والے بھی خوف زدہ ہوگئے،اطلاعات کے مطابق پاکستانیوں کا دو ہزار اکیس کو وارم ویلکم، لاہور میں کئی مقامات پر شاندار آتشبازی، شہریوں کی بڑی تعداد دیکھنے پہنچ گئی۔
ذرائع کے مطابق پولیس بے بس نظرآتی ہے ، منچلے اپنے گھروں کی چھتوں پرچڑھ کرسخت فائرنگ کررہے ہیں، پولیس کی موبائل گاڑیاں گشت توکررہی ہیں مگرکسی کوابھی تک روکنے میں ناکام نظرآرہی ہے
نیو ایئر نائٹ 12 بجتے ہی لاہور میں شدید فائرنگ لاہوریے بے قابو انتظامیہ بے بس #GoodBye2020 #NewYear2021 #HappyNewYear2021 #Welcome2021 #LabbaikYaRasoolAllah #ptifamilyopenmic #faaizchughtai pic.twitter.com/5vQnqg2rkb pic.twitter.com/TA6gLePQLN
— Baaghi TV باغی ٹی وی (@BaaghiTV) December 31, 2020
سال 2021ء کی ابتدا اور اختتام جمعہ کے مبارک دن سے ہو گا۔ عوام کی امیدوں کے مطابق آج سے شروع ہونے والا نیا سال2021ء انشاءاللہ ایک مبارک سال ثابت ہو گا۔ آج اس نئے سال کی ابتداءیکم جنوری جمعة المبارک سے ہوگی جبکہ اختتام 31 دسمبر 2021ء بھی جمعہ کے مبارک دن سے ہوگا۔
سب سے پہلے نیوزی لینڈ نے نئے سال کو خوش آمدید کہا۔ آکلینڈ کے سکائی ٹاور پر شاندار آتش بازی ہوئی۔ آسٹریلیا کے سڈنی برج پر بھی زبردست آتش بازی کا مظاہرہ کیا گیا۔ کورونا پابندیوں کے باعث علاقے میں ہو کا عالم تھا۔
جنوبی کوریا میں بھی نئے سال کا بھرپور استقال ہوا۔ ڈرونز کے ذریعہ خوبصورت لائٹ شو نے سماں باندھ دیا۔ شمالی کوریا میں شہریوں کی بڑی تعداد نئے سال کی تقریبات کے دلفریب مناظر دیکھنے آئی۔
بیجنگ میں نیو ائیر کی مناسبت سے شاندار گالا سجا۔ تائیوان میں بھی آتشبازی کے ساتھ نئے سال کو خوش آمدید کہا گیا۔ کورونا وائرس کے باعث 2021ء کی تقریبات پہلے کی طرح نہ ہو سکیں۔ کہیں عوام کو شرکت کی اجازت نہ ملی تو کہیں تقریبات کا دورانیہ کم رکھا گیا۔