تھیٹر کی اداکارائیں ملتان ، رحیم یار خان، لاہور اور فیصل آباد کے عاملوں اور پیروں کے آستانوں پر جانے لگیں

ایک وقت تھا کہ جب پاکستان میں تھیٹر سے بڑے اور نامور فنکار نکلے. اب گزشتہ کئی برسوں سے تھیٹر کی صورتحال ایسی ہے کہ یہاں فیملیز آنا پسند نہیں‌کرتیں ماسوائے چند ایک تھیٹرز کے. اس وقت تھیٹرز پر جو لڑکیاں کام کررہی ہیں ان کے آپسی جھگڑوں کی خبریں سامنے آتی رہتی ہیں، حال ہی میں خوشبو اور ماہ نور و دیگر کے درمیان جھگڑا ہوا جو کہ خبروں کی زینت بنا.سینئر اداکارائوں کا دعوی ہے کہ جونیئر اداکارائیں مقبولیت حاصل کرنے اور دوسروں کو مات دینے کےلئےعاملوں اور پیروں کے آستانوں پر جاتی ہیں.

”اداکارائیں ملتان ، رحیم یار خان، لاہور اور فیصل آباد کے عاملوں اور پیروں کے آستانوں پر جاتی ہیں” اور اپنی کامیابی اور ہم عصر مخالف اداکاراﺅں کو زیر کرنے کے لئے جادو ٹونے کا سہارا لیتی ہیں ۔ اس حوالے سے سینئر اداکاراﺅں کا کہنا ہے کہ ایسی اداکاراﺅں کی وجہ سے تھیٹر تباہ و برباد ہو گیا ہے اور دن بدن تھیٹر کا ماحول خراب ہوتا جارہا ہے ۔ ایسی اداکاراﺅں کا فن سے دور کا بھی واسطہ نہیں ، کچھ اداکارائیں تو موسمی پرندوں کی طر ح ہوتی ہیں جن کا کوئی ٹھکانہ نہیں ہوتا۔یاد رہے کہ حال ہی میں محفل تھیٹر میں چند ایک لڑکیوں کے ڈانس پر پابندی بھی عائد کی گئی ہے.

لڑکیاں ہی کیوں‌ لڑکے آئٹم نمبر کریں ہم مزے سے دیکھیں ثروت گیلانی