بھارتی پولیس نے ریاست گجرات کے علاقے رن آف کچھ سے ایک 28 سالہ طبی رضاکار، سہا دیو سنگھ گوہل کو پاکستان کے لیے جاسوسی کے الزام میں گرفتار کر کے اس کے خلاف مقدمہ درج کر دیا ہے۔
بھارتی میڈیا کے مطابق، گجرات اے ٹی ایس نے سہا دیو سنگھ کو گرفتار کرنے کے بعد تفتیش کے لیے احمد آباد منتقل کر دیا ہے، جہاں ان کے زیرِ استعمال موبائل فون کو فرانزک تجزیے کے لیے بھیج دیا گیا ہے۔پولیس کا دعویٰ ہے کہ ابتدائی تفتیش میں ملزم نے پاکستان کو حساس بھارتی تنصیبات کی معلومات فراہم کرنے کا اعتراف کیا ہے۔ ان پر الزام ہے کہ انہوں نے واٹس ایپ کے ذریعے بھارتی ایئر فورس اور دیگر فوجی تنصیبات کی تصاویر اور معلومات پاکستانی ایجنٹ کو فراہم کیں۔
مزید الزام یہ ہے کہ وہ پاکستانی خفیہ ادارے آئی ایس آئی کے لیے مبینہ طور پر جاسوسی کرتے رہے ہیں۔ پولیس کا کہنا ہے کہ سہا دیو سنگھ نے بتایا کہ 2023 میں ایک ادیتی بھردواج نامی خاتون نے ان سے واٹس ایپ پر رابطہ کیا، جو بعد میں پاکستانی ایجنٹ نکلی۔حکام کے مطابق، گرفتار رضاکار کے خلاف مقدمہ درج کر کے اسے مزید تفتیش کے لیے احمد آباد منتقل کر دیا گیا ہے، جبکہ نامعلوم پاکستانی ایجنٹ کے خلاف بھی مقدمہ درج کیا گیا ہے۔
یہ بھی یاد رہے کہ اس واقعے سے چند روز قبل بھارتی پولیس نے ایک پنجابی خاتون یوٹیوبر کو بھی پاکستان کے لیے جاسوسی کے الزام میں گرفتار کیا تھا۔بھارتی پولیس نے گزشتہ دو ہفتوں کے دوران ملک بھر سے مختلف شعبوں سے تعلق رکھنے والے تقریباً ایک درجن افراد کو پاکستان کے لیے جاسوسی کے شبہے میں گرفتار کیا ہے، جن میں یوٹیوبرز، طبی رضاکار اور عام شہری شامل ہیں۔
روس اور یوکرین قیدیوں کے تبادلے کا دوسرا مرحلہ مکمل، 307 قیدی رہا
پہلگام حملے سے متعلق سوال کرنے پربھارتی فوج کے 18 سکھ اہلکار گرفتار،بغاوت کے الزامات
پہلگام حملے سے متعلق سوال کرنے پربھارتی فوج کے 18 سکھ اہلکار گرفتار،بغاوت کے الزامات
