مختصر ویڈیو شیئرنگ ایپ ٹک ٹاک کی ایک اور معروف جوڑی مکرّم مغل اور عاشی اعوان رشتۂ ازدواج میں منسلک ہوگئے۔
باغی ٹی وی : ٹک ٹاکرعاشی اعوان اور اُن کے ساتھی ٹک ٹاکر مکرّم مغل نے شادی کرلی ہے جس کی ویڈیوز اور تصاویر سوشل میڈیا پر وائرل ہوگئی ہیں۔
ٹک ٹاکر عاشی اعوان نے اپنے انسٹاگرام اکاؤنٹ پر دلہن بنے اپنی تصویر شیئر کی جس میں اُنہوں نے گھونگھٹ ڈالا ہوا ہے جبکہ عاشی اعوان کے دوپٹے پر ’مکرّم کی دلہن‘ لکھا ہوا ہے۔
عاشی اعوان نے یہ دلکش تصویر شیئر کرتے ہوئے کیپشن میں ’الحمداللّٰہ‘ لکھا۔
ٹاک ٹاکر نے اپنے شوہر مکرم اعوان کے ہمراہ تصویر شئیر کرتے ہوئے نظر بد سے بچنے کی دعا کی اور ایک اور تصویر شئیر کرتے ہوئے اپنے شوہر کو زندگی کا حاصل قرار دیا-
دوسری جانب ٹک ٹاکر مکرّم مغل نے بھی اپنے آفیشل انسٹاگرام اکاؤنٹ پر اپنی شادی کی دلکش تصویریں اور ویڈیو شیئر کیں۔
انسٹاگرام پر شیئر کی گئی تصویروں میں دیکھا جاسکتا ہے کہ عاشی اعوان نے اپنی زندگی کے سب سے خاص موقع پر سُرخ رنگ کا خوبصورت عروسی لباس زیب تن کیا جبکہ اُن کے شوہر مکرّم نے سفید شیروانی پہنی۔
مکرّم مغل نے اپنی اہلیہ عاشی کے مہندی لگے ہاتھوں کی تصویر بھی انسٹاگرام پر شیئر کیں اور اللہ کا شکر ادا کیا-
اس کے علاوہ عاشی اعوان اور اُن کے شوہر مکرّم مغل نے اپنے ٹک ٹاک اکاؤنٹس پر بھی اپنی شادی کی خوبصورت ویڈیوز اپ لوڈ کیں۔
ٹک ٹاک کی دُنیا کی اس مقبول ترین جوڑی کی شادی پر اُن کے مداح اُنہیں خوب مبارکبا دے رہے ہیں۔
خیال رہے کہ اس سے قبل ٹک ٹاک اسٹار کنول آفتاب اور ذوالقرنین حیدر رشتۂ ازدواج میں منسلک ہوئے تھے۔
