بہت سارے فنکاروں نے ٹک ٹاک کا رخ کر لیا ہوا ہے اور انہیں وہاں پر بہت زیادہ پذیرائی بھی ملی ہے.
عاشق احمد کا شمار بھی ایسے فنکاروں میں ہوتا ہے جنہوں نے شوبز کی دنیا میںقدم رکھنے اور وہاں پذیرائی حاصل کرنے کے بعد ٹک ٹاک کی دنیا کا رخ کیا. ان کی ٹک کی وڈیوز کے لائیکس 106 ملین سے بھی تجاوز کر چکے ہیں جبکہ ان کے فالورز کی تعداد 47 لاکھ ہے. عاشق احمد سوشل میڈیا پلیٹ فارمز پر سماجی مسائل پر کھل کر بات کرتے ہیں اور ان کی باتوں کو لوگ بہت شوق سے سنتے اور سراہتے ہیں.
”عاشق احمد نے متعدد ٹی وی ڈراموں میں کام کیا ہے” جس میںاڈاری ڈرامہ سیریل قابل زکرہے. ان کے کریڈٹ پر یوفون کے کمرشلز بھی ہیں. انہوں نے ڈراموں کے ساتھ ساتھ فلموں میں بھی کام کیا، عاشر عظیم کی ڈائریکشن میں بنی فلم مالک میں انہوں نے نہایت ہی اہم کردار ادا کیا، اس کے بعد انہوں نے نامعلوم افراد 2، لال کبوتر، دُرج، وی آئی پی، چوہدری جیسی فلموں میںکام کرکے اپنی صلاحیتوں کا لوہا منوایا.عاشق احمد کہتے ہیں کہ میں چاہتا ہوں کہ مجھے پنجابی اور پشتو فلموں میں کام کرنے کا موقع میسر آئے.
