قومی کرکٹر وسیم اکرم کی اہلیہ شنیرا اکرم نے مینارِ پاکستان میں خاتون ٹک ٹاکر سے دست درازی کےافسوسناک واقعے پر شدید غصے کا اظہار کیا ہے۔
باغی ٹی وی : تفصیلات کے مطابق شنیرا اکرم نے سماجی رابطے کی ویب سائٹ ٹوئٹر پر ایک صارف کا ٹوئٹ شیئر کیا جس میں یومِ آزاری کے موقع پر مینارِ پاکستان پر پیش آنے والے افسوسناک واقعے کی ویڈیو شیئر کی گئی۔
گریٹر اقبال پارک میں ٹک ٹاکرلڑکی کے ساتھ واقعہ پراداکاراؤں کی شدید مذمت
ویڈیو میں دیکھا جاسکتا ہے کہ سینکڑوں نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا، کپڑے پھاڑ دیے، نقدی اور زیورات چھین لیے۔
What the actual …… 😡😡😡😡😡 https://t.co/yPw6KY2Rbt
— Shaniera Akram (@iamShaniera) August 18, 2021
صارف نے ویڈیو شیئر کرتے ہوئے لکھا کہ اسے لاہور کا شہری ہونے پر شرم محسوس ہورہی ہے۔دوسری جانب شنیرا اکرم نے اس واقعے پر اپنا ردّعمل دیتے ہوئے شدید غصے کا اظہار کیا۔
مینار پاکستان ،ٹک ٹاکر لڑکی سے دست درازی کا واقعہ: "عاشورہ” کے فرائض کے باوجود پولیس…
واضح رہے کہ لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ3روز بعد سوشل میڈیا کے ذریعے سامنے آیا۔سیکڑوں نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیئے جبکہ پولیس واقعہ سے بے خبر رہی۔خاتون کی درخواست پر 400 نامعلوم ملزموں کیخلاف مقدمہ درج کرلیا گیا وزیر اعلی پنجاب نے اس واقعے کا نوٹس لیتے ہوئے ملزمان کے خلاف سخت کاروائی کرنے کا حکم دیا ہے-
