جدہ: یورپی یونین اور بھارت کے بعد سعودی عرب نے بھی موبائل ڈیوائسز کی چارجنگ کے لیے یو ایس بی ٹائپ سی چارجنگ پورٹ کا استعمال لازمی قرار دے دیا ہے۔
باغی ٹی وی: سعودی عرب کی جانب سے تمام الیکٹرونکس ڈیوائسز کے لیے یو ایس بی ٹائپ سی چارجنگ پورٹ کا استعمال یقینی بنانے کی ہدایت کی گئی ہےسعودی کمیونیکیشنز، اسپیس اینڈ ٹیکنالوجی کمیشن کی جانب سے یہ فیصلہ کیا گیا اور اس پر اطلاق 2 مراحل میں ہوگا۔
پہلے مرحلے (یکم جنوری 2025 تک) میں موبائل فونز اور دیگر الیکٹرونکس ڈیوائسز جیسے ہیڈ فونز، کی بورڈز، اسپیکرز اور روٹرز کے لیے یو ایس بی ٹائپ سی چارجنگ پورٹ کے استعمال کو یقینی بنایا جائے گا دوسرے مرحلے میں کمپنیوں کو یکم اپریل 2026 تک لیپ ٹاپس اور کمپیوٹرز میں ٹائپ سی چارجنگ پورٹ کی موجودگی یقینی بنانا ہوگی۔
ترکی کی ڈیرنس بندرگاہ کے قریب اناج کے سائلوز میں دھماکا
سعودی حکام نے بتایا کہ اس فیصلے سے الیکٹرونکس کچرے میں کمی آئے گی جبکہ صارفین کو زیادہ معیاری ڈیٹا ٹرانسفر کی سہولت دستیاب ہوگی اس تبدیلی سے صارفین کو 17 کروڑ سعودی ریال کی بچت ہوگی۔
دوسری جانب سعودی محکمہ ٹریفک نے کہا ہے کہ ڈرائیونگ کے دوران فون کا استعمال ایک لاپرواہی کا عمل ہے جو گاڑی کے مالک اور اس کے آس پاس کے لوگوں کو حادثات کے خطرے سے دوچار کرتا ہے ’’ ایکس‘‘ جو پہلے ٹویٹر تھا کے پلیٹ فارم پرموجود آفیشل اکاؤنٹ پر محکمہ ٹریفک نے کہا گاڑی چلاتے وقت ڈرائیور کا کسی بھی موبائل ڈیوائس کا استعمال ٹریفک کی خلاف ورزی ہےٹریفک کی اس خلاف ورزی کے نتیجے میں ہونے والے مالی جرمانے کی مقدار 500 سے 900 ریال کے درمیان ہے۔
برطانیہ: غیر قانونی تارکین وطن کو نوکری دینے والے مالکان کوتین گنا زیادہ جرمانہ ہوگا
اس سے قبل بھارت نے تمام کمپنیوں کو مارچ 2025 تک موبائل ڈیوائسز کے لیے یو ایس بی ٹائپ سی چارجنگ پورٹ کا استعمال لازمی بنانے کی ہدایت کی تھی بیورو آف انڈین اسٹینڈرڈز (بی آئی ایس) کیجانب سے دسمبر 2022 میں اس پابندی کا اعلان کرتے ہوئے تمام موبائل فونز کے لیے ایک چارجر اور کیبل کے استعمال کی پابندی عائد کی گئی تھی۔
اسی طرح یورپی یونین نے موبائل ڈیوائسز تیار کرنے والی کمپنیوں کو 28 دسمبر 2024 تک یو ایس بی سی چارجنگ پورٹ کے استعمال کو یقینی بنانے کی ہدایت کی تھی اس کے لیے یورپی یونین کی جانب سے اکتوبر 2022 میں ایک قانون کی منظوری دی گئی تھی جس کے تحت یورپ میں تمام موبائل فونز، ٹیبلیٹس اور کیمروں کے لیے ایک ہی چارجنگ پورٹ کے استعمال کو لازمی قرار دیا گیا۔
