تمام معاشی اعشاریے مثبت سمت میں جا رہے ہیں،اب یہ کام کرنا ہو گا، وزیراعظم کی اہم ہدایات

تمام معاشی اعشاریے مثبت سمت میں جا رہے ہیں،اب یہ کام کرنا ہو گا، وزیراعظم کی اہم ہدایات

باغی ٹی وی کی رپورٹ کے مطابق وزیراعظم عمران خان کی زیر صدارت قومی رابطہ کمیٹی برائے اسمال اینڈ میڈیم انٹرپرائزز کا اجلاس ہوا

ایس ایم ایز کو مالی معاونت فراہم کرنے کیلئے تمام شراکت داروں سے مشاورت کی گئی اور اس حوالہ سے بریفنگ دی گئی ،ایس ایم ایز کے فروغ کی خاطر قانونی اور ریگولیٹری مسائل کو حل کرنے کیلئے اہداف مقرر کئے گئے

وزیر اعظم عمران خان کی زیر صدارت قومی رابطہ کمیٹی برائے سمال اینڈ میڈیم انٹرپرائزز کا اجلاس۔ pic.twitter.com/nB7cQeltOT

— Prime Minister's Office (@PakPMO) December 17, 2020

بریفنگ میں بتایا گیا کہ کاروباری طبقے کی سہولت کیلئے ٹیکس فارم کو آسان بنایا جا رہا ہے ،رجسٹریشن پورٹل پر بھی کام جاری ہے، صوبوں میں ورکنگ گروپس قائم ہو چکے ہیں،صوبوں میں چھوٹے اور درمیانے کاروبار کو مدد دیں گے، ایس ایم ایز کا ڈیٹا بیس ترجیحی بنیادوں پر اپ ڈیٹ کیا جا رہا ہے،بڈیٹا بیس کی بنیاد پرحکومت ایس ایم ایز کو بروقت سہولت دے سکے گی،

وزیراعظم عمران خان کا اجلاس سے خطاب کرتے ہوئے کہنا تھا کہ چھوٹے اور درمیانے درجے کے کاروبار معیشت کا اہم جزو ہیں، ان کو فروغ دے کر معیشت مستحکم ہو گی اور روزگار کے مواقع بڑھیں گے، تمام معاشی اعشاریے مثبت سمت میں جا رہے ہیں،مزید بہتری کیلئے ایس ایم ایز کا فروغ ضروری ہے،

وزیر اعظم نے ایس ایم ایز کے فروغ کیلئے مقرر اہداف کو جلد مکمل کرنے کی ہدایت کی.