لاہور:آج پھرعمران خان لانگ مارچ چھوڑ کرلاہور واپس آگئے:اہم اجلاس طلب کرلیا ،اطلاعات کے مطابق عمران خان نے خلاف توقع آج پھرلانگ مارچ کوچھوڑکرلاہورواپسی کا سفراختیارکیا ہے،یہ بھی معلوم ہوا ہے کہ عمران خان نے پارٹی قیادت کو بھی رات نوبجے تک لاہور عمران خان کی رہائش گاہ پرپہنچنے کی ہدایت کی ہے
اس حوالےسےتصدیق بھی ہوگئی ہے کہ عمران خان نے پارٹی قائدین کو رات 9 بجے زمان پارک طلب کرلیا،اس حوالے سے کئی قیاس آرائیاں کی جارہی ہیں کہ اس اجلاس کے طلب کرنے کی وجہ پارٹی رہنماوں کے درمیان اختلافات بھی ہوسکتے ہیں اوراس کے ساتھ ساتھ لانگ مارچ میں خلاف توقع تعداد کم ہونے کیوجہ بھی اجلاس کے انعقاد کی وجہ ہوسکتی ہے
سینیٹراعظم سواتی پرتشدد کیوں؟ سپریم کورٹ نے کارروائی شروع کردی
یہ بھی کہا جارہا ہے کہ عمران خان کا قافلہ جہاں سے گزرتا ہے کارکن استقبال کرتے ہیں ساتھ نہیں چلتے‘تعداد مزید کم ہوگئی، اس مارچ کے ناقدین کا کہنا ہے کہ یہ دنیا کا واحد ملین مارچ جو آفس ٹائم شروع ہوتا ہے اور شام کو آفس ٹائم پر ہی ختم ہوجاتا ہے
اس سے پہلے پاکستان تحریک انصاف کے چیئرمین عمران خان کا کہنا ہے کہ پاکستان میں آج انسانوں کا نہیں جانوروں کا نظام ہے۔لانگ مارچ کے سادھوکی پہنچنے پر خطاب کے دوران عمران خان نے کہا کہ انسانوں اور جانوروں کے معاشرے میں ایک فرق ہوتا ہے، جانوروں کے معاشرے میں انصاف نہیں ہوتا، انسانوں کے معاشرے میں انصاف ہوتا ہے۔
عمران خان نے مزید کہا کہ پاکستان میں آج انسانوں کا نہیں جانوروں کا نظام ہے، یہاں چوروں اور ڈاکووں کو ہم پر مسلط کیا گیا ہے، انہوں نے مہنگائی سے عوام کی کمر توڑ دی ہے، اربوں روپے دیکر لوگوں کے ضمیر خریدے گئے۔
سابق وزیر اعظم کا کہنا تھا کہ اسٹیبلشمنٹ سے پوچھتا ہوں کہ پہلے تم ہی کہتے تھے یہ چور اور ڈاکو ہیں، پرویز مشرف نے ان دونوں کو چوری پر نکالا تھا ، اب ان کو ہم پر مسلط کرکے کہتے ہیں کہ ان کو قبول کرلو، جو ان کے سامتے کھڑا ہوتا ہے، ان پر تشدد کیا جاتا ہے۔
جب مریم نوازنے کہا کہ نوازشریف میٹنگ سےاٹھ کرچلے گئے تو ڈالرمہنگا ہوگیا:مفتاح…
عمران خان نے کہا کہ تحریک انصاف نے سپریم کورٹ کا شکریہ ادا کرتا ہوں کہ انہوں نے اعظم سواتی کو بلایا ہے، اعظم سواتی کے ساتھ جو کیا گیا اس پر شرم آنی چاہئے، اعظم سواتی پر پوتی اور پوتیوں کے سامنے تشدد کیا گیا۔
اپنےلوگوں کاتحفظ کرنامیرابنیادی حق،میری جان بھی انکےلیےحاضر:علی امین گنڈا پورکا…
چیئرمین تحریک انصاف نے کہا کہ سارے چوروں کو بٹھا کر اسٹیبلشمنٹ یہ سمجھتی ہے کہ انہوں نے فیصلہ کرلیا ہے کہ اب ان کا ساتھ دینا ہے تو ہم اور قوم آپ کے ساتھ نہیں۔ ملک کی اسٹیبلشمنٹ قوم کے ساتھ کھڑی ہوتی ہے۔ اسلام آباد میں عوام کا سمندر آنے والا ہے، جب تک ملک میں حقیقی آزادی کی تحریک کامیاب نہیں ہوتی یہ رکنے والی نہیں۔
