لاہور:آج عمران خان نے ایک بال پر تین وکٹیں لے لی:اطلاعات کے مطابق پاکستان شوبز انڈسٹری کے نامور فلم اسٹار شان نے ملک کی موجودہ صورتحال پر تبصرہ کرتے ہوئے کہاکہ آج عمران خان نے ایک بال پر تین وکٹیں لے لی۔
شان شاہد نے سماجی رابطے کی ویب سائٹ ٹوئٹر پر جاری اپنی ٹوئٹ میں وزیراعظم عمران خان کی تعریف کرتے ہوئے لکھا کہ اور وہ سمجھتے تھے کہ آپ کرکٹر ہیں، آج آپ ایک بہترین سیاسی ذہن ہیں۔
اس کے ساتھ ساتھ شان نے مزید لکھا کہ آج عمران خان نے ایک بال پر تین وکٹیں لے لی۔
واضح رہےکہ آج قومی اسمبلی کے اہم ترین اجلاس میں ڈپٹی اسپیکر قاسم سوری نے وزیرِ اعظم عمران خان کے خلاف اپوزیشن کی تحریکِ عدم اعتماد کی قرار داد مسترد کر دی۔
And they thought you were a cricketer you are the best political mind of today @ImranKhanPTI what an …..in swing 3 wickets with 1ball pic.twitter.com/NdEKGl1efG
— Shaan Shahid (@mshaanshahid) April 3, 2022
ڈپٹی اسپیکر قاسم سوری نے متحدہ اپوزیشن کی تحریکِ عدم اعتماد کو آئین کے خلاف قرار دے دیا۔
ڈپٹی اسپیکر نے کہا کہ وزیرِ اعظم کے خلاف کسی غیر ملکی کو حق نہیں کہ وہ تحریکِ عدم اعتماد لائے، کسی غیر ملکی طاقت کو اختیار نہیں کہ پاکستان کے معاملے میں مداخلت کرے۔
سوشل میڈیا صارفین نے بھی اسے بڑا اعلان قرار دیتے ہوئے ، بریکنگ نیوز‘ عمران خان کی دوران تقریر تصویر، ٹی وی کلپس اور مختلف میمز کے ذریعے اپوزیشن کو جواب دینا شروع کر دیا ہے۔
صرف یہی نہیں بلکہ ’سرپرائز‘اور ’آخری سانس تک عمران خان‘ سوشل میڈیا پر ٹاپ ٹرینڈ بن چکا ہے۔
