شمالی کوریا:شمالی کوریا نےسوہائے سیٹ لائٹ لانچنگ فیلڈ سےایک نیا تجربہ کیا ہے۔اطلاعات کےمطابق شمالی کوریا کی سرکاری خبرایجنسی کی سی این اے کی خبر کےمطابق شمالی کوریا کی وزارت دفاع کی سائنس اکیڈمی نے ملک کے مشرقی علاقے ایک نئے اورطاقتورمیزائل کاتجربہ کیا ہے۔
شمالی کوریا کی سائنس اکیڈمی سے جاری کردہ اعلان میں واضح کیا گیا ہے کہ "تجربات سے اوپر تلے حاصل کردہ مثبت نتائج کو کوریا عوامی جمہوریہ کی با اعتماد حکمت عملی کی طاقت میں تقویت لانے کے لیے بروئے کار لایا جائیگا۔دوسری طرف امریکہ نے شمالی کوریا کے اس میزائل تجربے پرسخت ردعمل کا اظہارکرتے ہوئے کہا ہےکہ شمالی کوریا نے معاہدے کی خلاف ورزی کی ہے
یاد رہے کہ گزشتہ ہفتے میڈیا میں خبریں سامنے آئی تھیں کہ شمالی کوریا نے طویل المسافت راکٹ انجن کا تجربہ کیا ہے جس کی اب متعلقہ اداروں نے تصدیق کر دی ہے۔تا ہم اس تجربے کے حوالے سے کوئی تفصیلات فراہم نہیں کی گئیں۔
