چیئرمین پی ٹی آئی عمران خان کے خلاف توہین الیکشن کمیشن و چیف الیکشن کمشنر کیسز کی سماعت ہوئی
معاون وکیل نے الیکشن کمیشن سے استدعا کی کہ چیئرمین پی ٹی آئی کے وکیل غیر حاضر، تھوڑی دیر میں پہنچیں گے،ممبر الیکشن کمیشن نثار درانی نے کہا کہ کیا چیئرمین پی ٹی آئی کے وکیل نے آنا ہے؟ ہم نے حلقہ بندیوں کی بھی سماعت کرنی ہے، اگر چیئرمین پی ٹی آئی کو سیکورٹی خدشات ہیں تو سماعت جیل میں نوٹیفائی کرسکتے ہیں؟ سیکرٹری داخلہ نے کہا کہ اگر الیکشن کمیشن حکام جیل جانا چاہتے ہیں تو نوٹیفائی کرسکتے ہیں، وزارت داخٰلہ اجازت دے گی چیئرمین پی ٹی آئی کیس کی جیل میں سماعت کرلیں، ممبر الیکشن کمیشن نے کہا کہ کیا قانون الیکشن کمیشن کو جیل میں سماعت کرنے کی اجازت دیتا ہے؟سیکرٹری داخلہ نے کہا کہ چیئرمین پی ٹی آئی کیس کی جیل میں سماعت پر وزارت قانون سے رائے لے لیتا ہوں،
پی ٹی آئی وکیل شعیب شاہین کمیشن میں پیش ہوئے اور کہا کہ چیئرمین پی ٹی آئی کے ساتھ ایک بار ملاقات کی اجازت ملی، ملاقات کے دوران کاغذ پینسل تک لیکر جانے کی اجازت نہیں ہوتی ، کمیشن مناسب آرڈر دے ، ممبر سندھ نثار درانی نے کہا کہ ہم خود ہی اڈیالہ جیل چلے جاتے ہیں ، جب ہم جائیں گے آپکو تمام سہولیات مل جائیں گی،وکیل شعیب شاہین نے کہا کہ ہمیں جلسے کی اجازت نہیں دی جا رہی، لیول پلینگ فیلڈبھی نہیں دی جا رہی،تحریری طور پر بھی کمیشن کو آگاہ کیا ہے،
فوادچوہدری کے وکیل نے مؤقف پیش کیا کہ سابق وفاقی وزیر جوڈیشل کسٹڈی میں ہیں،ممبر سندھ نثار درانی نے استفسار کیا کہ فوادچوہدری کس جیل میں ہیں؟فواد چوہدری کے وکیل نے کہا کہ وہ اڈیالہ جیل میں قید ہیں،ممبر سندھ نثار درانی نے ریمارکس دیتے ہوئے کہا کہ ٹھیک ہے اس پرآرڈرکردیتے ہیں، اسد عمر کی جانب سے کوئی بھی الیکشن کمیشن میں پیش نہیں ہوا۔صائمہ جنجوعہ نے بتایا کہ اسد عمرکے وکیل نےالتوا کی درخواست کی ہے، الیکشن کمیشن نے کیسز کی سماعت 6 دسمبرتک ملتوی کردی.
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا
بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟
