بچوں اور بڑوں کے پسندیدہ ‘ٹام اینڈ جیری’ سلور اسکرین پر دھوم مچائیں گے

بچوں اور بڑوں کے پسندیدہ ‘ٹام اینڈ جیری’ سلور اسکرین پر دھوم مچائیں گے۔

باغی ٹی وی :دنیا بھر میں مشہور بلی اور چوہے کی شرارتوں، دوستی اور دشمنی سے بھرپور کارٹون سیریز ٹام اینڈ جیری اب بڑے پردے کی زینت بننے جارہی ہے۔

اس فلم کا پہلا ٹریلر گزشتہ سال نومبر میں جاری کیا گیا تھا فلم کے ٹریلر کے مطابق جیری ایک ہوٹل میں رہنے کا فیصلہ کرتا ہے جس میں شادی کی شاندار تقریب منعقد ہو رہی ہے۔ جیری کی موجودگی کا پتا لگنے کے بعد اسے ہوٹل سے باہر نکالنے کے لئے ہوٹل کی انتظامیہ ٹام کی خدمات لینے کا فیصلہ کرتی ہے۔

فلم میں ٹام اینڈ جیری کو اصل دنیا اور اداکاروں کے درمیان شرارتیں کرتا دکھایا جائے گا، فلم کا کچھ حصہ اینی میٹڈ بھی ہے۔

ٹریلیز ریلیز کرنے کے بعد فلم کی ریلیز کا اعلان 2021 کے لئے کیا گیا تھا تاہم اب ‘ٹام اینڈ جیری’ کے مداحوں کے لیے خوشخبری ہے کہ یہ 11 فروری 2021 کو بڑی اسکرین پر نظر آئیں گے۔

خیال رہے کہ ٹام اینڈ جیری’ کی اس فلم کو 23 دسمبر 2020 میں ریلیز کیا جانا تھا عالمی وبا کورونا وائرس کے باعث دنیا بھر میں نظام زندگی تھم سی گئی تھی اور لاک ڈاؤن کے باعث شوبز انڈسٹری بھی متاثر ہوئی تھی اورکورونا وائرس کی وجہ سے دنیا بھر میں سنیما گھر بند تھے جس کی وجہ سے دنیا بھر میں فلموں کی ریلیز تاخیر کا شکار ہوئی تھیں۔