ڈی جی خان :طوفانی بارش و ژالہ باری ،گندم سمیت دیگرفصلیں تباہ

کوٹ ہیبت باغی ٹی وی (شاہد خان )طوفانی بارش و ژالہ باری ،گندم سمیت دیگرفصلیں تباہ
تفصیل کے مطابق پیر عادل،شاہ صدردین ،لاڈن ،دری میرو و دیگر علاقوں میں گذشتہ روز شدید بارش اور ژالہ باری ہوئی طوفانی بارش اور ژالہ باری کا یہ سلسلہ کافی دیر جاری رہا اس طوفانی بارش اور ژالہ باری کی وجہ سے پیر عادل وگردونواح میں سورج ،گندم ،آم ،چارہ جات ودیگرفصلوں کو شدید نقصان پہنچا ،گندم کی فصل پک کر تیار کھڑی تھی کچھ کسان فصل کاٹ کر رکھی ہوئی تھی اور تھریشر لگانے کے انتظار میں تھے لیکن ان بارشوں نے کسانوں کی کمر توڑ کے رکھ دی دوسری طرف اس طوفانی آندھی ،شدید بارش وژالہ باری سے ذرائع مواصلات،موبائل نیٹ ورک اور بجلی کانظام درہم برہم ہوگیا،کئی علاقوں میں ابھی تک بجلی کی بحالی بھی نہیں ہوسکی –