شہر اقتدار میں گاڑی کا چالان کرنے پر ٹریفک پولیس اہلکار پر تشدد،آئی جی نے حکم دے دیا

اسلام آباد : شہر اقتدار میں گاڑی کا چالان کرنے پر ٹریفک پولیس اہلکار پر تشدد،آئی جی نے حکم دے دیا ،اطلاعات کے مطابق وفاقی دارالحکومت اسلام آباد میں ٹریفک پولیس اہلکار کو قانون کی خلاف ورزے کرنے والے کا چالان کرنا مہنگا پڑگیا، ٹریفک قوانین کو پامال کرنے والے نے سرعام پولیس اہلکار کی خوب پٹائی کردی

باغی ٹی وی کے مطابق آج شہراقتدار میں یہ واقعہ اس وقت پیش آیا جب علی حسین شاہ نامی آدمی نے ٹریفک پولیس اہلکار کی طرف سے روکنے پرنہ صرف سخت ترین تشدد کیا ہے ، ملزم علی حسین شاہ نے چالان کرنے پر ٹریفک پولیس کے اہلکار کی وردی پھاڑ دی تھی اور تشدد کا نشانہ بھی بنایا

آئی جی اسلام آباد کے حکم پر سی سی ٹی وی فوٹیج کی مدد سے پولیس نے ملزم کو فوری گرفتار کر لیا ۔تھانہ لوئی بھیر پولیس نے مقدمہ درج کر کے تفتیش شروع کر دی ۔۔۔

، آئی جی اسلام آباد نے کہا ہےکہ کسی بھی شخص کو قانون ہاتھ میں نہیں لینے دیا جائے گا،پولیس جوان محکمہ پولیس کا اثاثہ ہیں پولیس جوانوں کے ساتھ تشدد کسی صورت برداشت نہیں کیا جائے گا