توشہ خانہ چور بتارہا ہے کہ اس نے کیا کیا؟ مریم اورنگزیب

توشہ خانہ چور بتارہا ہے کہ اس نے کیا کیا؟ مریم اورنگزیب

وفاقی وزیر اطلاعات مریم اورنگزیب نے چیئرمین پی ٹی آئی کے حالیہ انٹرویو پر انہیں آڑے ہاتھوں لے لیا۔ ایک بیان میں مریم اورنگزیب نے عمران خان سےسوال کیا کہ ایکسٹینشن نہیں دینی چاہیے تھی تو پھر کیوں دی تھی؟ اور جو 2021 سے اپریل 2022میں کیا گیا، وہ عمران خان کو 2 جنوری 2023 میں یاد آرہا ہے؟ انہوں نے مزید کہا کہ پہلے عمران خان کہتے تھے کہ وہ سوچ بھی نہیں سکتے تھے کہ یہ شہبازشریف کو وزیراعظم بنائیں گے، اب کہتے ہیں کہ انہیں گرمیوں میں پتا چل گیا تھا، عمران خان کا بیانیہ موسمیاتی تبدیلی کا شکار ہوگیا ہے، موسم کے حساب سے ان کے بیان بھی بدل رہے ہیں۔

کیا بندہ ہے؟ عید شب رات کی تمیز نہ ہی نئے سال کا کوئی خیال؟ دعا اور نہ ہی کبھی خیر کا کوئی کلمہ؟ اپنی ذات میں قید شخص کو آگے کی سوچ نہیں، نہ کسی کے غم کا خیال نہ کسی کی خوشی کا احساس۔جسے دوسروں کی خوشی میں خوشی اور غم میں دکھ بانٹنا نہ آتا ہو وہ بائیس کروڑ عوام کا کیا سوچتا؟ https://t.co/Hsmm10ywSw

— Marriyum Aurangzeb (@Marriyum_A) January 1, 2023

وزیر اطلاعات کے مطابق توشہ خانہ چور بتارہا ہےکہ اس نے کیا کیا، خان صاحب پاکستان کو ڈيفالٹ کرنے کاآپ کا پلان فیل ہوگیا۔ خیال رہے کہ اس سے قبل بھی ایک بیان میں وزیر اطلاعات کو تنقید کا نشانہ بناتے ہوئے کہا تھا کہ "کیا بندہ ہے؟ عید شب رات کی تمیز نہ ہی نئے سال کا کوئی خیال؟ دعا اور نہ ہی کبھی خیر کا کوئی کلمہ؟ اپنی ذات میں قید شخص کو آگے کی سوچ نہیں، نہ کسی کے غم کا خیال نہ کسی کی خوشی کا احساس۔جسے دوسروں کی خوشی میں خوشی اور غم میں دکھ بانٹنا نہ آتا ہو وہ بائیس کروڑ عوام کا کیا سوچتا؟”

یاد رہے کہ اس سے قبل عمران خان نے ایک انٹرویو میں کہا تھا کہ پلان بنایا گیا تھا کہ شہباز شریف کو لانا ہے لہذا مجھے کچھ دیگر اشارے بھی ملے لیکن مجھے اعتماد تھا مگر شاہ زین بگٹی کے جانے کے بعد واضح ہوگیا کہ ہمیں ہٹانے کا پلان ہے۔