لاہور÷اسلام آباد÷ملتان: عمران خان پر مشکل وقت :ٹرانسپورٹرزبھی حکومت کیخلاف میدان میں آگئے ،اطلاعات کے مطابق اس وقت حکومت سخت دباو میں ہے ، دوسری طرف پیٹرولیم مصنوعات کی قیمتوں میں اضافے پر ٹرانسپورٹرز نے بھی اب حکومت کے خلاف میدان میں آنے کافیصلہ کرلیا ہے اوریہ امکان ہے کہ یہ ٹکراو کسی بڑے احتجاج کی شکل ہی نہ اختیار کرجائے
ملک میں مہنگائی کے بڑھتے ہوئے طوفان کے خلاف لاہور کے ٹرانسپوٹرز کا کہنا تھا کہ بڑھتی ہوئی پیٹرولیم مصنوعات کی قیمتوں نے ٹرانسپورٹرز کی کمر توڑ دی ہے۔ کرائے مزید نہیں بڑھا سکتے لوگوں نے پہلے ہی سفر کرنا کم کر دیا ہے۔
دوسری طرف مہنگائی سے تباہ حال عوام الناس کا کہنا ہے کہ عوام گھر چلائیں یا گاڑی چلائیں سمجھ نہیں آتا، عوامی سہولت کے حکومتی دعوے دھرے رہ گئے۔
ادھر عوام الناس کا کہنا ہے کہ تبدیلی سرکار نے واقعی سب کچھ تبدیل کردیا،سکون کی جگہ بے سکونی نے لی اور اب تو یہ حال ہے کہ تحریک انصاف نے غریب کو پہلے ہی پیس دیا ہے، قوت خرید ختم ہوگئی ہے۔ حکومت ریلیف دینے میں بالکل ناکام ہو چکی ہے۔
مہنگائی سے جہاں عام آدمی متاثر ہے وہاں تاجرحضرات بھی متاثرہوئے بغیر نہ رہ سکے ، تاجروں کا کہنا ہے کہ اتنی مہنگائی کسی دور حکومت میں نہیں ہوئی جتنی اس دور میں کی گئی ہے، تاجر ملکی معیشت کا پہیہ ہیں، اگر گاڑی کا پہیہ ہی نہیں چلنے دیں گے تو گاڑی کیسے چلے گی. تاجروں کا مزید کہنا تھا کہ پٹرول مہنگا ہونے سے ہر چیز مہنگی ہوگی، جس سے گاہگ دکانوں کا رخ نہیں کرے گا اور ملکی معیشت بری طرح متاثر ہوگی۔
واضح رہے حکومت کی جانب سے پیٹرول کی قیمت میں 8 روپے 3 پیسے اضافہ کیا گیا ہے، پیٹرول کی نئی قیمت 145 روپے 82 پیسے ہوگئی ہے، ہائی سپیڈ ڈیزل کی قیمت میں 8 روپے 14 پیسے اضافہ کیا گیا ہے۔ ہائی سپیڈ ڈیزل کی قیمت 142 روپے 62پیسے، مٹی کے تیل کی قیمت 6.27روپے اضافے سے 116روپے 53پیسے جبکہ لائٹ ڈیزل آئل کی قیمت 5.72روپے اضافے سے114.07 روپے ہوگئی ہے۔
