مکینک خودہی اپنی موت کا حکم دے بیٹھا ، دردناک واقعہ غم ناک سانحہ
چوہرجمالی : جب موت کا وقت قریب آتا ہے تو پھر اسباب خودہی پیدا ہونے شروع ہوجاتے ہیں ،مرنے والے کو پتہ تک نہیں ہوتا کہ وہ خود ہی اپنی موت کا سامان کررہا ہے، ایسے ہی جیسے سجاول کے علاقے درگاہ شاہ یقیق میں ٹریکٹر کی مرمت کے دوران ایک مکینک جاں بحق اور ایک زخمی ہوگیا۔
اس دردناک واقعہ کے مطابق علاقہ پولیس کا کہنا ہےکہ چوہڑ جمالی کی قریب خراب ٹریکٹر کی مرمت کے دوران ہیلپر نے ٹریکٹر اسٹارٹ کر دیا جس سے دونوں مکینک زد میں آگئے۔ ٹریکٹر اسٹارٹ کرنے کی ہدایت مکینک نے خود دی تھی جس میں پہلے سے گیئر لگا ہوا تھا۔
نظام قدرت بھی عجیب دیکھنے میں ملا ، ذرائع کے مطابق اس واقع میں دونوں مکینک شیر خان جتوئی اور رفیق احمد جتوئی سگے بھائی تھے جنہیں رورل ہیلتھ سینٹر چوہڑ جمالی منتقل کیا گیا جہاں شیر خان جتوئی زخموں کی تاب نہ لاتے ہوئے چل بسا۔جاں بحق ہونے والے کی لاش رورل ہیلتھ سینٹر میں ضروری کارروائی کے بعد ورثاء کے حوالے کر دی گئی۔
