بلوچستان دشمن دہشتگردوں نے جعفر ایکسپریس پر بزدلانہ حملے کی کوشش کی، تاہم سیکیورٹی فورسز کی بروقت اور دلیرانہ کارروائی نے دشمن کے ناپاک عزائم کو خاک میں ملا دیا
جوابی کارروائی میں 4 دہشتگرد واصلِ جہنم ہوگئے جبکہ 20 مسافروں کو بحفاظت چھڑوا لیا گیا ہے۔ علاقے میں ایف سی فورسز کا کلیرنس آپریشن جاری ہے اور باقی دہشتگردوں کے خلاف بھرپور کارروائی کی جا رہی ہے۔فورسز دشمنوں کو منہ توڑ جواب دے رہی ہیں، اور دشمن عناصر کو ان کے انجام تک پہنچایا جائے گا۔واقعہ میں دہشت گردوں کی فائرنگ سے ڈرائیور جعفر ایکسپریس امجد عزیز شہید ہو گئے ہیں. متعدد مسافر زخمی بھی ہیں،ریلوے ترجمان کے مطابق جعفر ایکسپریس میں چار سو سے زیادہ مسافر سوار ہیں اور مجموعی طور پر نو بوگیاں ہیں۔
قبل ازیں کوئٹہ سے پشاور جانے والی جعفر ایکسپریس کو گڈالر اور پیرو کنری کے درمیان دہشت گردوں نے نشانہ بنایا۔ اس دوران شدید فائرنگ کا تبادلہ ہوا، فائرنگ کی اطلاع ملتے ہی علاقے میں سیکیورٹی فورسز نے فوری طور پر کارروائی شروع کر دی ہے ،دوسری طرف، ٹرین سروس متاثر ہونے کے باعث مسافروں کو شدید مشکلات کا سامنا ہے اور حکام نے ٹرین کی حفاظت کے لیے اضافی سیکیورٹی فورسز تعینات کرنے کا اعلان کیا ہے۔اس واقعے کے بعد عوامی سطح پر شدید تشویش پائی جاتی ہے اور شہریوں کی جانب سے سیکیورٹی میں مزید سختی کی مطالبات کیے جا رہے ہیں۔
ٹرین فائرنگ، واقعہ دہشت گردی کا شاخسانہ ہو سکتا ہے، ترجمان بلوچستان حکومت
ترجمان بلوچستان حکومت شاہد رند کا کہنا ہے کہ کوئٹہ سے پشاور جانے والی جعفر ایکسپریس پر گڈالر اور پیرو کنری کے درمیان شدید فائرنگ کی اطلاعات ہیں،سبی ہسپتال میں ایمرجنسی نافذ کردی گئی ہے،ایمبولینسز جائے وقوعہ کی جانب روانہ کردی گئی ہیں،پہاڑی اور دشوار گزار علاقہ ہونے کے باعث جائے وقوعہ تک رسائی میں مشکلات پیش آررہی ہیں، محکمہ ریلوے کی جانب سے امدادی ٹرین جائے وقوعہ پر روانہ کردی گئی ہے، سیکورٹی فورسز مذکورہ علاقے کی جانب روانہ ہیں ، واقعے کی نوعیت اور ممکنہ دہشت گردی کے پہلوؤں کا جائزہ لیا جا رہا ہے، ابتدائی اطلاعات کے مطابق واقعہ دہشت گردی کا شاخسانہ ہو سکتا ہے، تحقیقات جاری ہیں،حکومت بلوچستان کی جانب سے ہنگامی اقدامات کی ہدایت، تمام ادارے متحرک ہیں، عوام سے پرامن رہنے اور افواہوں پر کان نہ دھرنے کی اپیل کرتے ہیں.
ٹرین فائرنگ،جائے وقوعہ تک رسائی میں مشکلات پیش آررہی ہیں،ترجمان بلوچستان حکومت
ترجمان بلوچستان حکومت شاہد رند کا کہنا ہے کہ کوئٹہ سے پشاور جانے والی جعفر ایکسپریس پر گڈالر اور پیرو کنری کے درمیان شدید فائرنگ کی اطلاعات ہیں،سبی ہسپتال میں ایمرجنسی نافذ کردی گئی ہے، ایمبولینسز جائے وقوعہ کی جانب روانہ کردی گئی ہیں،پہاڑی اور دشوار گزار علاقہ ہونے کے باعث جائے وقوعہ تک رسائی میں مشکلات پیش آررہی ہیں،محکمہ ریلوے کی جانب سے امدادی ٹرین جائے وقوعہ پر روانہ کردی گئی ہے،سیکورٹی فورسز مذکورہ علاقے کی جانب روانہ ہیں ،واقعے کی نوعیت اور ممکنہ دہشت گردی کے پہلوؤں کا جائزہ لیا جا رہا ہے، ابتدائی اطلاعات کے مطابق واقعہ دہشت گردی کا شاخسانہ ہو سکتا ہے، تحقیقات جاری ہیں، حکومت بلوچستان کی جانب سے ہنگامی اقدامات کی ہدایت، تمام ادارے متحرک ہیں،
