لاہور:غدار ، انڈین ایجنٹ جومرضی کہہ لیں نوازشریف کوکسی کی پرواہ نہیں :رانا ثنااللہ نے نوازشریف کے موقف کا اعادہ کردیا ،اطلاعات کے مطابق پاکستان مسلم لیگ (ن) پنجاب کے صدر رانا ثناءاللہ خاں کا ڈاکٹر شہبازگل کے بیان پر ردعمل دیتے ہوئے کہا ہے کہ نوازشریف کو غدار، انڈین ایجنٹ کہیں اس کی صحت پرکوئی اثرنہیں ہے ،
رانا ثنا اللہ نے سخت ترین الفاظ کااستعمال کرتے ہوئے کہا کہ عمران نیازی کا چپڑاسی شیخ رشید اور شہباز گل کیا افواج پاکستان کے ترجمان ہیں؟ ڈی جی آئی ایس پی آرہمیں جواب دے
رانا ثناللہ کہتے ہیں کہ عمران نیازی اداروں کو اپنی گھٹیا سیاست کے لئے متنازعہ بنا رہا ہے ملکی اداروں کو سیاسی فریق بنانا صرف پاکستان کے دشمنوں ہی کی خواہش ہوسکتی ہے ’وَن پیج‘ کے خودساختہ ترجمان ان اداروں کو سیاست میں گھسیٹ رہے ہیں جن کی غیرجانبداری آئین اور قومی سلامتی کا ناگزیر تقاضا ہے
شہبازگل اور چپڑاسی شیخ رشید کی تعیناتی سے ثابت ہوتا ہے کہ صرف یہ ہی میرٹ پر عمران خان کے ترجمان ہیں جو خطرناک کھیل کھیلا جارہا ہے وہ کسی کی بہتری میں نہیں
اداروں کو وضاحت کرنا ہوگی کہ کرائے کے یہ ترجمان ان کی آفیشل نمائندگی کرتے ہیں؟غدار ، انڈین ایجنٹ ، وغیرہ وغیرہ کے مسترد شدہ بیانیے سے نواز شریف کو کوئی فرق نہیں پڑتا لیکن سیلیکٹڈ عمران نیازی کے لئے خطرناک ثابت ہو گا ،رانا ثنا اللہ نے کہا کہ مریم نواز کی جن ملاقاتوں کا جھوٹا ذکر کیا جا رہا ہے کیا وہ شہباز گل کی موجودگی میں ہوئیں ؟
رانا ثنا للہ کہتے ہیں کہ حکومتی کرپشن، ووٹ چوری، مہنگائی، بیروزگاری، معاشی تباہی پر اپوزیشن کے سوالات کا جواب نہیں ملتا تو انڈین ایجنٹ اور غدارکی گردان شروع کردی جاتی ہے غداری اور انڈین ایجنٹ کے الزامات لگاکر حکومت اپنے کرپشن کے بیانیہ کی مکمل ناکامی کا اعتراف کرچکی ہے، اپنے جھوٹ کے دفاع میں حکومت کے پاس کوئی جواب نہیں
