جمعیت علمائے اسلام (ف) نے امریکی صدر ڈونلڈ ٹرمپ کو نوبل انعام کے لیے نامزد کرنے کی مخالفت میں سینیٹ میں قرارداد جمع کرا دی ہے، جس میں حکومت سے مطالبہ کیا گیا ہے کہ ٹرمپ کے لیے کی گئی نامزدگی کی سفارش فوری واپس لی جائے۔
جے یو آئی (ف) کے سینیٹر کامران مرتضیٰ کی جانب سے جمع کرائی گئی قرارداد میں کہا گیا ہے کہ ایران پر امریکی حملے کے بعد صدر ٹرمپ کو نوبل انعام کے لیے نامزد کرنا افسوسناک ہے۔قرارداد میں مؤقف اختیار کیا گیا ہے کہ امریکی صدر کے احکامات پر ایران پر بمباری کی گئی، جو بین الاقوامی قوانین، انسانی حقوق اور ایران کی خودمختاری کی کھلی خلاف ورزی ہے۔ قرارداد میں کہا گیا ہے کہ اس حملے کے نتیجے میں کئی قیمتی جانیں ضائع ہوئیں، جو قابل مذمت ہے۔
سینیٹ میں اس قرارداد کے ساتھ ساتھ امریکی صدر کو نوبل انعام دینے کے خلاف باقاعدہ تحریک بھی جمع کرائی گئی ہے۔
واضح رہے کہ پاکستان نے ماضی میں پاک-بھارت کشیدگی کے دوران صدر ٹرمپ کی سفارتی کوششوں کو سراہتے ہوئے انہیں 2026 کے نوبل امن انعام کے لیے نامزد کرنے کی سفارش کی تھی، جس پر اب سیاسی حلقوں میں اختلافات سامنے آ رہے ہیں۔
ٹرمپ کا دعویٰ امریکی میڈیا نے جھوٹا قرار دے دیا
وزیراعظم کا سعودی سفیر سے رابطہ، امن کی بحالی پر مل کر کام کرنے پر اتفاق
وزیراعظم کا قطری سفیر سے رابطہ، ایران کے میزائل حملے پر تشویش کا اظہار
سعودی شہزادہ فیصل بن خالد بن سعود انتقال کرگئے
اسرائیلی جارحیت نے بھارت کو پاکستان کے خلاف خطرناک حکمت عملی اپنانے پر اُکسایا
