امریکی دارالحکومت میں کیپیٹل ہل کے قریب میں ٹرک میں بمبارکی اطلاع:بڑوں بڑوں کی دوڑیں لگ گئیں‌

واشنگٹن:امریکی دارالحکومت میں کیپیٹل ہل کے قریب میں ٹرک میں بمبارکی اطلاع:بڑوں بڑوں کی دوڑیں لگ گئیں‌،اطلاعات کے مطابق امریکی دارالحکومت واشنگٹن میں کیپیٹل ہل کے قریب ٹرک میں بم کی اطلاع پر پولیس اور قانون نافذ کرنے والے اداروں نے واقعے کی تفتیش شروع کردی ہے۔

یہ بھی کہا جارہا ہے کہ گاڑی میں سوار مشکوک شخص کا بم دھماکہ کرنے کا اعلان کا سن کروہاں بڑی تعداد میں لوگوں کوفرارہوتے دیکھا گیا ہے

خبر رساں ایجنسی اے پی کے مطابق کانگریس کی لائبریری کے باہر پک اپ ٹرک میں بیٹھے شخص نے پولیس کو بتایا ہے کہ اس کے پاس بم موجود ہے جس کے بعد پولیس نے بڑے پیمانے پر کارروائی شروع کردی۔

ٹرک کے پاس لائسنس یافتہ نمبر پلیٹیں نہیں تھیں اور جب صبح قانون نافذ کرنے والے اداروں نے اسے دیکھا تو پولیس ریڈیو پر بم کے ممکنہ خطرے کی اطلاع دی گئی۔

گانگریس کی عمارت خالی کرالی گئی ،ادھر یہ بھی کہا جارہا ہے کہ ولیس نے مشکوک شخص سے مزاکرات شروع کررکھے ہیں لیکن ابھی تک کوئی نتیجہ نہیں نکل سکا