کراچی میں ٹول ٹیکس کے خلاف ٹرک ڈرائیوز ایک بار پھرسڑکوں پر نکل آئے، ٹرک ڈرائیورز کی جانب سے پھر احتجاج کیا جارہا ہے۔ جبکہ ٹول ٹیکس کے خلاف ہونے والے احتجاج کے باعث لنک روڈ بلاک ہوگیا۔ سڑک بند ہونے سے ٹریفک متاثر ہوگئی اور شہریوں کو پریشانی کا سامنا کرنا پڑ رہا ہے۔
خیال رہے کہ اس سے قبل بھی ٹرک اور ٹرالر ڈرائیوروں نے قومی شاہراہ اورسپر ہائی وے کو ملانے والے لنک روڈ کو بند کیا تھا ، جس کے باعث عوام کو شدید مشکلات کا سامنا ہے، جبکہ مظاہرین نے کہا تھا کہ غیرقانونی وصولی بند ہونے تک احتجاج جاری رکھیں گے۔
یاد رہے کہ کراچی میں قومی شاہراہ اور سپر ہائی وے کو ملانے والے لنک روڈ پر ٹرک اور ٹرالر ڈرائیوروں کی جانب سے احتجاج کیاگیااور شاہراہ پر بڑے بڑے ٹرالر اور ٹرک کھڑے کردیئے گئے تھے۔ ڈرائیورز کے احتجاج کے باعث لنک روڈ پر ٹریفک جام ہوگیااور گاڑیوں کی لمبی قطاریں لگ گئیں، جس کے باعث مسافروں کو شدید مشکلات کا سامنا کرنا پڑ رہا ہے۔دوسری جانب احتجاجی مظاہرین نے کہاکہ ٹول پلازہ اور کانٹا انتظامیہ غیرقانونی رقم وصول کررہی ہے،غیر قانونی وصولی بند ہونے تک احتجاج جاری رکھیں گے۔واضح رہے کہ ڈرائیورز اس سے قبل بھی احتجاج کرچکے ہیں۔
