اسلام آباد: وزیر دفاع خواجہ آصف کا کہنا ہے کہ کالعدم تحریک طالبان پاکستان (ٹی ٹی پی )کو پاکستا ن تحریک انصاف (پی ٹی آئی) کی حکومت میں پناہ گاہیں اور عام معافی دی گئی۔
باغی ٹی وی :وزیر دفاع خواجہ آصف نے نجی خبر رساں ادارے سے بات کر تے ہوئے کہا کہ فوج دہشتگردوں کی صفائی کا آپریشن کر دیتی ہے لیکن اس علاقے کی سویلین حکومت اپنی ذمہ داری پوری نہیں کرتی ٹی ٹی پی اور بی ایل اے دہشتگردی کی سرغنہ جماعتیں ہیں، 5.6 ہزار ٹی ٹی پی کے دہشتگرد پی ٹی آئی کی حکومت میں لائے گئے ، ٹی ٹی پی کو پی ٹی آئی کی حکومت میں پناہ گاہیں اور عام معافی دی گئی،جنرل باجوہ اور جنرل فیض نے ان کے ساتھ معاملات طے کیے اور ہمیں سرسری سا بریف کیا۔
غزہ میں حماس کی حکومت کے مکمل خاتمے تک جنگ جاری رہے گی،نیتن یاہو
وزیر دفاع خواجہ آصف نے کہا کہ ہم سے ایسے منظر کشی کی جیسے سب ٹھیک ہے اور سوات میں دودھ اور شہد کی نہریں بہہ رہی ہیں، اس بریفنگ میں سیاستدانوں نے سوال اٹھائے، سب سے زیادہ علی وزیر اور محسن داوڑ نے فیصلے کو چیلنج کیا لیکن ان کو بولنے نہیں دیا گیاافغانستان کے وزیروں و رہنماؤں سےملاقات ہوئی ، ان کی طرف سےکوئی سخت رویہ یا پاکستان کے لیے مخالفانہ جذبات محسوس نہیں کیے۔
جوبائیڈن اور ٹرمپ کے درمیان صدارتی مباحثہ ہوگا
انہوں نے کہا کہ جنرل ضیا اور جنرل مشرف نے جو جنگ لڑی وہ اپنے اقتدار کو طول دینے کے لیے لڑی، جنرل ضیا نے مذہب ،سوشل اسٹرکچر اور معاشرہ برباد کر دیا پیسے لے کر افغانستان جنگ کا حصہ بنے رہے، ہمیں خود بھی اپنا محاسبہ کرنا چاہیے کہ کیوں ہم دو جنگوں کا حصہ بنے، کیا ہمارے فوجی جوان اس طرح ہماری غلط پالیسیوں کی بھینٹ چڑھتے رہیں گے۔
