ترک وزیردفاع کی وزیراعظم، صدر مملکت سے ملاقات
وزیراعظم عمران خان سے ترک وزیردفاع کی ملاقات ہوئی ہے
وزیراعظم عمران خان نے ترک وفد کا خیر مقدم کیا ،وزیراعظم عمران خان کا کہنا تھا کہ پاکستان اور ترکی کے درمیان تاریخی دوستانہ تعلقات ہیں،دونوں ممالک کے درمیان تعاون اور باہمی اعتماد ہے،وزیراعظم عمران خان نے ترکی کے جنگلات میں آتشزدگی پراظہار تشویش کیا،.وزیراعظم عمران خان کا مزید کہنا تھا کہ آفت سے نمٹنے میں ترکی کے ساتھ ہرممکن تعاون کےلیے تیار ہیں،وزیراعظم نے دوطرفہ دفاعی تعاون پر اطمینان کا اظہارکیا ،
وزیراعظم عمران خان کا کہنا تھا کہ مسئلہ کشمیر پر پاکستان کی مستقل حمایت پر ترکی کے شکرگزر ہیں،ملاقات میں علاقائی ایشوز پر بھی بات چیت کی گئی وزیراعظم نے افغان امن عمل پر پاکستان کے موقف سے آگاہ کیا،وزیراعظم عمران خان کا کہنا تھا کہ باہمی مذاکرات سے سیاسی حل ہی آگے بڑھنے کا واحد راستہ ہے،امید ہے افغان رہنما آگے بڑھنے کےلیے ہم آہنگی کی اہمیت کو تسلیم کریں گے،پاکستان افغان امن عمل آگے بڑھانے اور سیاسی حل کے لیےکوشش جاری رکھے گا
قبل ازیں صدر مملکت عارف علوی سے ترکی کے وزیر دفاع کی ملاقات ہوئی ہے اس موقع پر صدر عارف علوی کا کہنا تھا کہ پاکستان اور ترکی بین الاقوامی امور پر ہم خیال ہیں،اسلامی دنیا کو مختلف مسائل اور گھمبیر حالات کا سامنا ہے، پاکستان افغانستان میں طویل جنگ سے شدید متاثر ہوا،افغانستان میں قیام ِ امن کا سب سے زیادہ فائدہ پاکستان کو پہنچے گا،پاکستان افغانستان میں امن کے فروغ کیلئے مخلصانہ کردار ادا کر رہا ہے،پاکستان قبرص کے معاملے پر ترکی کی حمایت جاری رکھے گا،
صدر مملکت نےمسئلہ کشمیر اور ایف اے ٹی ایف معاملے میں حمایت پر ترکی کا شکریہ ادا کیا ترک وزیر دفاع نے ترک صدر کی جانب سے عارف علوی کو دورہ ترکی کا دعوت نامہ پیش کیا، ترک وزیر دفاع کا کہنا تھا کہ ترکی مسئلہ جموں و کشمیر پر پاکستان کی حمایت جاری رکھے گا فوجی تربیت سمیت دیگر دفاعی شعبوں میں تعاون بڑھانے کی ضرورت ہے،
