بھارتی مظالم پر ترک میڈیا بھی خاموش نہ رہ سکا، کشمیریوں پر بھارتی مظالم کا پردہ چاک کردیا

انقرہ:ترک میڈیا نے بھارتی مظالم پر خاموشی توڑ دی ، بھارت کے سنگین ظلم وستم کاپول اب ترک میڈیا نے بھی کھول دیا۔ ترک میڈیا گروپ ٹی آر ٹی نے مقبوضہ وادی میں بھارتی مظالم پر اینی میٹڈ ویڈیو جاری کردی۔

ٹی آرٹی میڈیا کے مطابق کشمیر میں ڈھائے جانے والے مودی کے خوفناک مظالم سے 95 ہزار سے زائد کشمیری شہید، 10ہزار معصوم بچے یتیم، 20 ہزار سے زائد خواتین کا سہاگ چھین لیا گیا،8 ہزار سے زائد کشمیری نوجوانوں کولاپتہ کردیا گیا۔

ترک میڈیا نے یہ بھی انکشاف کیا کہ وادی میں 6 ہزار سے زائد اجتماعی قبریں بھی ملی ہیں۔ کشمیر دنیا کا سب سے بڑا فوجی اڈا جہاں سات لاکھ سے زائد بھارتی سفاک فوجی تعینات ہیں۔ ستر ہزار سے زائد بےگناہ کشمیریوں کو مودی کی فوج نے پیلٹ گنوں سے نشانہ بنایا۔ دو سو سے زائد کشمیری بینائی سے محروم ہوگئے۔ درندہ صفت بھارتی فوج نے دوسو سے زائد کشمیری خواتین کی عصمت دری کی

ادلے کا بدلہ ،ترک میڈیا گروپ ٹی آرٹی نے رپورٹ جاری کرتے ہوئے کہا ہےکہ 2016 سے اب تک 200 سے زائد بھارتی فوجیوں نے اپنی زندگیوں کا خاتمہ خود اپنے ہاتھوں سے کیا۔ پانچ اگست کو انتہا پسند مودی سرکار نے کشمیریوں کے خصوصی حق پر ڈاکا ڈالا۔ ٹی آر ٹی کا مزید کہنا ہے کہ پینتالیس فیصد آبادی دماغی اور نفسیاتی بیماریوں کاشکار ہے۔وادی میں ایک ماہ سے زائد کا عرصہ گزر گیا مگر کشمیر کا دنیا سے رابطہ بحال نہ ہوسکا۔ کشمیری نعرے لگاتے ہیں ہم کیا چاہتے ہیں آزادی۔ کشمیری آخر کب تک دنیا سےکٹ کر رہیں گئے