ترکی کے خلاف جنگ کرنے والوں کو اسلحہ کون فراہم کررہا ہے، اردگان نے بتا دیا

صدر رجب طیب اردگان نے کہا ہے کہ امریکہ ترکی کے خلاف جنگ کرنے والے دہشت گردوں کو اسلحہ فراہم کر رہا ہے۔

اردگان، پیوٹن ٹیلیفون رابطہ، کیا ہوئی بات چیت

خبر رساں ایجنسی رائٹر زکو سوالات کے جوابات دیتے ہوئے صدراردگان نے کہا کہ وائے پی جی، پی وائے ڈی دہشت گرد تنظیم PKK کی شاخ ہے، جسے ہم مغربی ممالک کو آگاہ کرانے میں قاصر رہے ہیں۔ امریکہ نے یہاں پر شامی دہشت گردوں کے لیے ہزاروں کی تعداد میں ٹریلروں پر فوجی سازو سامان بھیجا ہے۔ یعنی نیٹو کا اتحادی ملک ترکی کو قیمتاً فراہم نہ کردہ اسلحہ کو ان کو مفت میں دے رہا ہے۔ میرے خیال میں جنا ب ٹرمپ کو ہمیں سمجھ لینا چاہیے۔ کیا یہ ٹال مٹول کی پالیسیاں ہمارے صبر کا امتحان لے رہی ہیں؟ حقیقت یہ ہے کہ ہمارے صبر کا پیمانہ لبریز ہو رہا ہے۔ اگر ہمارے صبر کا پیمانہ لبریز ہو گیا تو ہم اپنے مسائل کا حل خود تلاش کرنے پر مجبور ہو جائیں گے۔
صدر ترکی نے شامی شہر ادلیب کی چیک پوسٹوں سے ترکی کے اس مرحلے پر انخلاءکا معاملہ زیرِ بحث نہ ہونے کی وضاحت کرتے ہوئے کہا کہ "اگر اسد قوتوں نے ہماری چیک پوسٹوں پر کسی قسم کا حملہ کیا یا پھر ہمارے فوجیوں سے چھیڑ خانی کی تو اسوقت حالات ایک مختلف سمت کی جانب بڑھ جائیں گے۔ ہم اسوقت کی طرح خاموش نہیں بیٹھیں گے۔”

انہوں نے کہا کہ ماہ اکتوبر کے شروع میں روس، جرمنی، فرانس اور ترکی شاید مل کر ایک اجلاس کریں گے، جس میں ادلیب اور مہاجرین کے معاملات پر غور کیا جائیگا۔

دوسری جانب صدر نے بتایا کہ روس سے خریدے گئے ایس۔400 کی ماہ اپریل تک تنصیب کا عمل مکمل ہو جائیگا، روس نے ہمیں سو۔35 اور سو۔57 جنگی طیاروں کو فروخت کرنے کی پیش کش کی ہے۔ روس اس معاملے میں دفاعی صنعت سے متعلق ہر اقدام میں اپنی خدمات فراہم کرنے پر تیار ہے۔