ترکی بھارت کوتوڑنےکےلیےبیس کیمپ بناچکا:بھارت نےعالمی برادری کومدد کےلے پکارلیا

:ترکی بھارت کو توڑنے کے لیےبیس کیمپ بناچکا:بھارت نےعالمی برادری کومدد کےلے پکارلیا،اطلاعات کے مطابق ترکی پاکستان کے راستے پر چلتے ہوئے مسلم ممالک کا نیا سرپرست بننے کی کوشش کر رہا ہے۔ ہندوستان اور نیپال کے خلاف ترکی کے خطرناک منصوبے کا انکشاف ایک انٹیلی جنس رپورٹ میں ہوا ہے۔

بھارتی میڈیا کا انٹیلی جینس ایجینسیز کے حوالے سے الزام لگاتے ہوئے کہا ہے کہ ترکی نے ہند – نیپال سرحد کے ساتھ اپنا بیس کیمپ بنانے کے لئے القاعدہ کے حمایت یافتہ عسکریت پسندوں کے ایک گروپ کو بھیج دیا ہے ۔ ترکی کی جانب سے نیپال کو خطرناک صورتحال میں پہنچانے کے لئے القاعدہ کے حامی ان دہشت گردوں نے کام بھی شروع کر دیا ہے ۔ اگر ان دہشت گردوں کو جلد از جلد قابو نہ کیا گیا تو وہ نیپال ، ہندوستان پر بد امنی پیدا کرسکتے ہیں ۔

بھارتی میڈیا نے پراپیگنڈہ کرتے ہوئے کہا ہے کہ ترکی کے صدر رجب طیب اردوغان نے ترکی کے ایک خیراتی ادار ے کو دنیا کے سب سے بڑے دہشت گرد اسامہ بن لادن کی تنظیم القاعد کی حمایت یافتہ ٹیم کو نیپال کو برباد کرنے اور ہندوستان میں بدامنی پیدا کرنے کی ذمہ داری سونپی ہے۔

بھارتی میڈیا الزام لگاتے ہوئے کہہ رہا ہے کہ انٹیلی جنس رپورٹ کے مطابق نیپال میں ترکی کا یہ ادارہ نیپال میں ‘اسلامک یونین نیپال ‘ کے ساتھ بھی مل کر کام میں مصروف ہے ۔ ہندوستان کی خفیہ ایجنسی اس تنظیم کی مسلسل نگرانی کر رہی ہے۔ انٹیلی جنس رپورٹ میں کہا گیا ہے کہ یہ تنظیم خطرناک جہادیوں کو پناہ دے رہی ہے جو مطلوب ہیں۔ ان دہشت گردوں کی مدد سے ، ترکی کی تنظیم جہادی نیٹ ورک تیار کر رہی ہے ۔

نیوز اینڈ انویسٹی گیشن اخبار ‘ ناردک مانیٹر ‘نے کہا ہے کہ اس منصوبے کے پیچھے ترکی کی خفیہ ایجنسی یعنی ایم آئی ٹی براہ راست ذمہ دار ہے۔ آئی ایچ ایچ کو تر کی نیپال کو نشانہ بنانے اور ہندوستان میں بد امنی پھیلا نے بھیج رہا ہے ۔

آئی ایچ ایچ کے بارے میں انکشاف کرتے ہوئے کہا گیا ہے کہ اس تنظیم نے نیپال میں ہیومن سروسز( انسانی خدمات) کے نام پر متعدد منصوبے چلانے کا آغاز کیا ہے۔ خاص طور پر آئی ایچ ایچ کے نشانے پر وہ علاقے ہیں جو ہندوستان کی سرحد کے بہت قریب ہیں۔ یہ تنظیم ہند – نیپال سرحد پر بسنے والی مسلم کمیونٹی میں تیزی سے قدم جمارہی ہے اور بین الاقوامی جہادی گروہوں کے ساتھ مل کر چھوٹے چھوٹے جہادی نیٹ ورکس تیاری کر رہی ہے۔

انٹیلی جنس رپورٹ میں کہا گیا ہے کہ آئی ایچ ایچ براہ راست نیپال کی مسلم ایسوسی ایشن اسلامک نیپال یونین کے ساتھ مل چکا ہے ، جس کو ترکی سے براہ راست مالی اعانت فراہم ہوتی ہے۔ رپورٹ میں کہا گیا ہے کہ آئی ایس این اور آئی ایچ ایچ کے مابین یہ معاہدہ بہت خطرناک ثابت ہوسکتا ہے۔ آئی ایچ ایچ کو اقوام متحدہ کی سلامتی کونسل کی واچ لسٹ میں رکھا گیا ہے۔

اقوام متحدہ کی رپورٹ کے مطابق ، آئی ایچ ایچ نے شام میں سرگرم عمل کئی تنظیموں کی مدد کی ہے۔ اقوام متحدہ کی رپورٹ کے مطابق ، آئی ایچ ایچ ترکی کی خفیہ ایجنسی کا ایک پیادہ ہے ، جسے مختلف ممالک میں جہادی گروپ بنانے کے لئے بھیجا جاتا ہے