پاکستان اور افغانستان کے حکام کے درمیان فلیگ میٹنگ کامیاب ہونے کے بعد پاک افغان طورخم تجارتی گزرگاہ 25 روز بعد گاڑیوں کی آمدورفت کے لیے سے کھول دی گئی جبکہ طور خم کراسنگ پوائنٹ پر سرکاری عملہ تعینات کردیا گیا۔
باغی ٹی وی: سیکورٹی ذرائع کیمطابق طورخم سرحد کےقریب افغان کسٹم ہاؤس میں دونوں ممالک کےسیکورٹی حکام کی فلیگ میٹنگ کا انعقاد کیا گیا جس میں 2 روز قبل پاک افغان مشترکہ جرگہ کے فیصلوں کی توثیق کی گئی۔
سیکیورٹی ذرائع کا کہنا ہے کہ طورخم تجارتی گزرگاہ آج تجارتی سرگرمیوں کے لیے کھول دی گئی، طور خم تجارتی گزرگاہ باقاعدہ طور پر بحال ہو نے کے بعد گاڑیوں کی آمد وروفت شروع ہوگئی جبکہ پاکستان کی طرف سے گاڑیاں افغانستان کی حدود میں داخل ہوئیں، پاک افغان کشید گی ختم ہوگئی اور طورخم کراسنگ پوائنٹ پر سرکاری عملہ تعینات کردیا گیا، طورخم تجارتی گزرگاہ 25 روز بعد کھول دی گئی۔
بے نظیر انکم سپورٹ پروگرام میں 141 ارب روپے کی مالی بے ضابطگیوں کا انکشاف
سیکورٹی ذرائع کا کہنا ہے کہ پاک افغان کشیدگی ختم ہونے کے بعد طورخم تجارتی گزرگاہ سے دو طرفہ تجارت شروع ہوگئی، جس کے بعد تجار تی سامان لے کر پاکستانی کارگو گاڑیاں افغانستان میں داخل ہونا شروع ہوگئیں، افغانستان سے درآمدات لے کر کارگو گاڑیاں پاکستان میں داخل ہوئیں۔
سیکورٹی ذرائع کا کہنا تھا کہ معاہدہ کے مطابق طورخم تجارتی گزرگاہ آج صرف دو طرفہ تجارت کے لئے کھول دی گئی ہے، طورخم سرحد پیدل آمدورفت کے لئے دو روز بعد کھول دی جائے گی، طورخم سرحدی گزرگاہ سے یومیہ اوسطا ڈیڑھ ہزار کارگو گاڑیوں کی آمدورفت ہوتی ہے۔
آئزک نیوٹن نے 300 سال قبل دنیا کے خاتمے کے حوالے سے کیا پیشگوئی کی؟
کسٹم ذرائع کا کہنا ہے کہ طورخم کے راستے پاک افغان دوطرفہ تجارت سےملکی خزانہ کو یومیہ اوسطا 3 میلین ڈالرز محصولات ملتی ہے، افغانستان کے ساتھ طورخم کے راستے یومیہ اوسطا ڈیڑھ بیلین ڈالرز مالیت کی تجارت ہوتی ہے۔