انقرہ :پاکستان ایمبیسی اسکول ڈائریکٹرکے لیےشاندارخدمات پرترکی کا اعلیٰ ایوارڈ

انقرہ :انقرہ :پاکستان ایمبیسی اسکول ڈائریکٹرکوشاندارخدمات پراعلیٰ ایوارڈ ،اطلاعات کے مطابق ترکی کی معروف او ایس ٹی ایم ٹیکنیکل یونیورسٹی نے بدھ کے روز انقرہ میں منعقدہ ایک پر وقار تقریب میں پاکستان سفارت خانہ اسکول انقرہ کے ڈائریکٹر سید غالب رضا گیلانی کو پہلا "انٹرنیشنل ایجوکیشن انٹرپرینیور ایکیلنس ایوارڈ” سے نوازا۔

انقرہ میں ہونے وال اس تقریب میں پروفیسر ڈاکٹر امراللہ ایلر ، چیئر مین نیشنل ایجوکیشن ، کلچر ، یوتھ اینڈ اسپورٹ کمیشن آف گرینڈ نیشنل اسمبلی کے چیئرمین ، مہمان خصوصی تھے جبکہ سفیر پاکستان محمد سائرس سجاد قاضی۔ او ایس ٹی ایم بورڈ آف ٹرسٹی کے چیئرمین ، مسٹر اورہان آڈن .آسٹم ٹیکنیکل یونیورسٹی کے ریکٹر ، پروفیسر ڈاکٹرمورات اور ایوسٹیم ٹیکنیکل یونیورسٹی اور پاکستان ایمبیسی اسکول کے فیکلٹی ممبران نے ایوارڈ تقریب میں شرکت کی۔

اس اعزازی تقریب میں پروفیسر ڈاکٹر امراللہ آئلر نے اپنے خطاب میں‌ کہا کہ پاکستان ہمارا برادر ملک ہے اور ترک "جیوے پاکستان” کہتے ہوئے بڑے خوش ہوتے ہیں ۔ انہوں نے تعلیم کے میدان میں دونوں ممالک کے باہمی تعاون اور ترقی کی اہمیت پربھی سیرحاصل گفتگو کی

سفیر سائرس قاضی نے اپنے خطاب میں کہا کہ او ایس ٹی ایم ٹیکنیکل یونیورسٹی کی جانب سے اس افتتاحی ایوارڈ کا تحفہ نہ صرف غالب گیلانی کے لئے اعزاز ہے بلکہ یہ پاکستانی سفارت خانہ اور پاکستانی اکیڈمیہ کے لئے اعزاز بھی ہے۔ انہوں نے بتایا کہ پاکستان ایمبیسی اسکول پاکستان کا ایک اہم تعلیمی ادارہ ہے جس میں پاکستان ، ترکی اور 50 سے زائد غیر ملکی شہریوں کے طلباء تعلیم حاصل کررہے ہیں ۔

مسٹر اورہان ایدن نے اپنے خطاب میں پاک ترکی کے درمیان خصوصی تعلقات پر روشنی ڈالی۔ انہوں نے امید ظاہر کی کہ تعلیم کے میدان میں‌ ان دونوں برادرملکوں کے درمیان تعلقات بہترکرنے میں مدد کرے گا

او ایس ٹی ایم ٹیکنیکل یونیورسٹی کے ریکٹر پروفیسر ڈاکٹر مراد یلیک نے اپنے استقبالیہ خطاب میں کہا کہ او ایس ٹی ایم ٹیکنیکل یونیورسٹی ترکی کی پہلی انڈسٹری یونیورسٹی ہے۔ پروفیسر ڈاکٹر مرات نے ایوارڈ کے انتخاب کے معیار کا حوالہ دیتے ہوئے کہا کہ اگرچہ انقرہ میں مختلف سفارت خانوں سے وابستہ ایک بڑی تعداد میں اسکول موجود ہیں ، تاہم جوتعلیم وتربیت کے میدان میں غالب رضا گیلانی کے کارہائے نمایاں سرانجام دیئے ہیں وہ قابل قدر ہیں‌، انہوں نے غالب گیلانی کی خدمات پرایک طائرانہ نظردوڑاتے ہوئے کہا کہ غالب گیلانی ایک قابل تعلیم ماہر ہیں جنہوں نے پاکستان ، چین ، کینیڈا ، مصر ، ایران اور ترکی میں خدمات انجام دیں

اس اہم تقریب میں سید غالب رضا گیلانی نے ریکٹر اور او ایس ٹی ایم ٹیکنیکل یونیورسٹی کا ایوارڈ دینے پر شکریہ ادا کیا۔ انہوں نے کہا کہ یہ ایوارڈ یقینی طور پر پاکستانیوں ایک خوشی کا پیغام اورمقام ے اس سے دونوں ملکوں کے درمیان قائم محبت کے بندھن کو مستحکم کرے گا جو پاکستان اور ترکی کو متحد کرتا ہے۔

اس موقع پر انہوں نے اپنے والدین اور اساتذہ کی خدمات کوسراہتے ہوئے اس اعزاز کو انہوں نے اسکول کے طلباء اور ساتھیوں کے ساتھ کے نام کردیا۔