متحدہ عرب امارات میں نئے کرونا کیسز میں تیزی سے اضافہ
باغی ٹی وی :متحدہ عرب امارات میں گزشتہ 24 گھنٹے کے دوران کورونا کے مزید 12 سو 69 کیسز کی تصدیق ہوئی ہے۔
امارات ٹوڈے کے مطابق وزارت صحت کا کہنا ہے کہ مختلف ممالک سے تعلق رکھنےوالے غیر ملکیوں ایک لاکھ 29 ہزار 558 کورونا ٹیسٹ کیے گئے تھے۔ کورونا کے مزید کیسز میں کسی کی حالت نازک نہیں۔
وزارت صحت کا کہنا ہے کہ گزشتہ 24 گھنٹے کے دوران کورونا سے 3 افراد ہلاک ہوئے جس کے ساتھ اب تک ہلاکتوں کی مجموعی تعداد 547 ہو گئی ہے۔
کووڈ 19 سے صحتیاب ہونے والوں کے حوالے سے وزارت صحت کا کہنا ہے کہ ایک ہی روز میں 840 افراد نے اس مرض سے شفایابی حاصل کی جس کے بعد اب تک کورونا سے صحتیاب ہونےوالوں کی مجموعی تعداد ایک لاکھ 47 ہزار 309 تک پہنچ گئی ہے
